Fjölbreytt tækifæri til að kynnast orkuvinnslu úr endurnýjanlegum orkugjöfum. Heimsókn í gestastofu veitir lifandi innsýn í orkuvinnslu og orkunotkun endurnýjanlegra orkugjafa. Gestastofur okkar eru opnar alla daga og við alltaf með heitt á könnunni.

Bíltúr á Búrfell

Gagnvirka orkusýningin í Búrfellsstöð við Þjórsá er skemmtileg og lærdómsrík fyrir fólk á öllum aldri. Skammt fyrir norðan stöðina eru vindmyllurnar tvær sem Landsvirkjun hefur reist í rannsóknarskyni, þær fyrstu sinnar gerðar á Íslandi. Akstur frá Reykjavík tekur aðeins um eina og hálfa klukkustund

Heitasti staðurinn í sumar

Krafla er eitt frægasta jarðhitasvæði heims og fá gestir færi á að kynnast jarðfræðinni á svæðinu, nýtingu og sögu jarðvarmans á Íslandi og tækifærum honum tengdum.

Gestastofa í Végarði og leiðsögn við Kárahnjúkastíflu

Í gestastofu Landsvirkjunar í félagsheimilinu Végarði við Fljótsdalsstöð er boðið upp á margháttaðan fróðleik um endurnýjanlega orkugjafa og um byggingu Kárahnjúkavirkjunar og Fljótsdalsstöðvar í máli og myndum. Leiðsögumaður á vegum Landsvirkjunar er í sumar staðsettur upp við Kárahnúkastíflu á miðvikudögum og laugardögum, frá 14-17, og segja gestum og gangandi frá framkvæmdunum og náttúrunni.

Gestastofur okkar í Búrfelli, Kröflu og Fljótsdalsstöð eru opnar frá 1. júní til 30. ágúst ár hvert en tekið er á móti hópabókunum yfir vetrartímann.

Eyðublað fyrir hópa