Í gær kveikti Rannveig Rist forstjóri ALCAN á Íslandi á lýsingu við mastur Landsvirkjunar við álverið í Straumsvík.

Viðurkenningin „Lóð á vogarskálina“ var veitt öðru sinni á ráðstefnu Hollvina hins gullna jafnvægis  fyrir framlag sem stuðlar að samræmingu vinnu og einkalífs í orði og verki.

Í byrjun nóvember náðist stór áfangi í innleiðingu gæðastjórnunar hjá Landsvirkjun.  Orkusvið í heild sinni fékk vottun samkvæmt staðli ISO 9001:2000. Lesa meira

Þann 12. nóvember sl. undirritaði Landsvirkjun lánssamning að upphæð 50 milljónir evra, eða um 4,3 milljarðar króna, við Evrópska fjárfestingabankann (EIB) í Lúxemborg. Lesa meira

Landsvirkjun rekur fimm aflstöðvar á Þjórsár- og Tungnaársvæðinu og til þessa hafa verið þar tvær starfsstöðvar, önnur við Búrfell og hin í Hrauneyjum.  Á undanförnum misserum hefur það verið til skoðunar hvort skynsamlegt geti verið að sameina þessar starfsstöðvar í eina og reka aflstöðvarnar fimm frá einni starfsstöð. Lesa meira

Ráðstefna og sýning í Smáralind í tilefni af aldarafmæli rafvæðingar á Íslandi 28. október til 1. nóvember.

Fyrirtækin Landsvirkjun og Alcoa hafa bæði hugmyndafræði sjálfbærrar þróunar að leiðarljósi í starfi sínu. Þau hafa tekið höndum saman og búið til sérstakt verkefni um mat á sjálfbærri þróun til að fylgjast sem best með áhrifum framkvæmdanna. Lesa meira

Í gær var Þjóðminjasafnið opnað eftir viðamiklar endurbætur á safnahúsinu sem staðið hafa frá árinu 1997. Fyrir hönd Hollvina Þjóðminjasafnsins flutti Friðrik Sophusson ávarp við opnunina.

Nú í sumar tóku Landmælingamenn Landsvirkjunar þátt í GPS landmælingum á grunnstöðvaneti Íslands. Alls komu um 40 manns að verkinu sem unnið var að frumkvæði Landmælinga Íslands. Mælingarnar stóðu í 10 daga og lauk 14. ágúst síðastliðinn.

Á fyrstu sex mánuðum ársins 2004 var halli á rekstri Landsvirkjunar 645 milljónir króna, en á sama tímabili fyrra árs var hagnaður 1.480 milljónir. Handbært fé frá rekstri nam 2.694 milljónum króna samanborið við 3.151 milljón króna á árinu 2003.

Sérfræðingar  Landsvirkjunar hafa í dag ásamt hönnuðum, verktökum og framkvæmdaeftirliti við Kárahnjúka farið yfir stöðuna sem komin er upp vegna vatnavaxta í Jöklu.

Í dag, miðvikudaginn 30. júní, verða Jarðböðin við Jarðbaðshóla í Mývatnssveit opnuð formlega við hátíðlega athöfn. Landsvirkjun er meðal stærstu hluthafa félagsins og veitir því aðgang að jarðhitavatni (skiljuvatni) í Bjarnarflagi til rekstursins.

Í dag voru opnuð tilboð í framkvæmdir vegna jarðvinnu og gerð undirstaða Sultartangalínu 3. Útboðið var í þremur hlutum.

Á sumrin opnar Landsvirkjun fjölmörg stöðvarhús sín fyrir gestum. Í stöðvunum má skoða afar fjölbreyttar sýningar og kynningar á framkvæmdum fyrirtækisins.

Að lokinni ítarlegri vinnu viðræðunefndar Landsvirkjunar og Skeiða- og Gnúpverjahrepps hefur náðst samkomulag um tilhögun Norðlingaölduveitu. Lónhæð verður 566 m y.s. að sumarlagi og 567,5 m y.s. að vetrarlagi.

Í dag voru námsstyrkir Landsvirkjunar afhentir í fyrsta sinn. Styrkirnir eru ætlaðir til styrktar nemendum í meistara- og doktorsnámi sem eru að vinna að lokaverkefnum sínum. Gert er ráð fyrir því að framvegis verði námsstyrkir Landsvirkjunar afhentir á hverju ári.

Starfsmenn Landsvirkjunar láta ekki sitt eftir liggja í átakinu ,,Hjólað í vinnuna" sem stendur yfir þessa dagana. Um 110 starfsmenn eru skráðir til þátttöku í 11 liðum á starfsstöðvum fyrirtækisins um allt land.

Landsvirkjun hefur sent frá sér greinargerð um tilhögun Norðlingaölduveitu. Þar kemur fram að 25 MW dælustöð mun dæla vatni um 7 km langa leið um skurði og jarðgöng. Vatn frá Norðlingaöldu mun sameinast Kvíslaveitu í Illugaveri og renna þaðan til Þórisvatnsmiðlunar.

Í dag voru opnuð tilboð í gerð Ufsarveitu sem felst í inntaksstíflu í Jökulsá í Fljótsdal og gerð hluta af aðrennslisgöngum frá inntakinu inn í aðrennslisgöng Kárahnjúkavirkjunar. Lægsta tilboðið átti Arnarfell.

Umhverfisráðherra hefur kveðið upp úrskurð vegna mats á umhverfisáhrifum vatnsaflsvirkjana í Neðri-Þjórsá. Fallist var á framkvæmdir virkjun við Núp og Urriðafossvirkjun með þeim skilyrðum sem koma fram í úrskurði Skipulagsstofnunar. Umhverfisráðherra bætir í úrskurði sínum nokkrum skilyrðum við. Lesa meira

Fyrsti samningurinn um flutning raforurku sem gerður er í nýju viðskiptaumhverfi raforkumála á Íslandi var undirritaður í dag. Samningurinn er á milli flutningssviðs Landsvirkjunar annars vegar og Hitaveitu Suðurnesja og Orkuveitu Reykjavíkur hins vegar.

Úrkoma og hlýindi seinustu mánaða hafa gert það að verkum að miðlunarlón Landsvirkjunar eru nánast full. Staðan í vatnsbúskapnum er jafnvel betri en á síðasta ári sem þó var einstakt. Helstu lón Landsvirkjunar eru á vatnasvæðum Þjórsár og Blöndu.

Í tilefni af grein Jóhanns Bergþórssonar um útboð og verksamninga við verktaka um byggingu Kárahnjúkavirkjunar sem birtist í Morgunblaðinu í morgun 14. apríl og var til umfjöllunar í fréttatíma Ríkisútvarpsins sama dag vill Landsvirkjun taka fram eftirfarandi:

Jóhannes Geir Sigurgeirsson, stjórnarformaður Landsvirkjunar,  sendi í gær frá sér yfirlýsingu þar sem hann skýrir frekar tiltekin ummæli sín á samráðsfundi fyrirtækisins fyrir helgi og dregur þau til baka. Tilefnið eru harkaleg viðbrögð forystumanna Rafiðnaðarsambandsins og Náttúruverndarsamtakanna.  Lesa meira

Árlegur samráðsfundur Landsvirkjunar var haldinn í dag á Hótel Nordica í Reykjavík. Á fundinum voru framkvæmdirnar við Kárahnjúka og 100 ára afmæli raforkunnar á Íslandi í miðpunkti.

Í fyrirlestri sem Bjarni Bjarnason, framkvæmdastjóri orkusviðs Landsvirkjunar, hélt á fyrsta ársfundi Íslenskra orkurannsókna í síðustu viku kom fram að Landsvirkjun hefur sótt um rannsóknaleyfi fyrir Hrafnabjagavirkjun.

Árlegur samráðsfundur Landsvirkjunar verður haldinn föstudaginn 2. apríl á Hótel Nordica, í ráðstefnusal A.

Á árinu 2003 var hagnaður á rekstri LV 1.551 m.kr. og handbært fé frá rekstri nam 5.601 m.kr. Í árslok námu heildareignir fyrirtækisins 134,5 milljörðum króna og var eiginfjárhlutfall 30,6%.

Landsvirkjun var í hópi fimm fyrirtækja sem Íslenska óperan gerði samstarfssamning við vegna ferða Óperunnar til Eyjafjarðar og Eskifjarðar á vormisseri 2004.

Landsvirkjun hefur sett á stofn sjóð til styrktar nemendum á framhaldsstigi háskólanáms (meistara- og doktorsnám) sem eru að vinna að lokaverkefnum sínum og verða styrkir veittir úr sjóðnum árlega.

Skipulagsstofnun hefur úrskurðað um mat á umhverfisáhrifum Bjarnarflagsvirkjunar og Bjarnarflagslínu 1 í Skútustaðahreppi. Um er að ræða rafstöð allt að 90 MW og 132 kV háspennulínu. Fallist er á framkvæmdina með skilyrðum.

Í grein sem birtist í Morgunblaðinu 26. febrúar greinir Bjarni Bjarnason, framkvæmdastjóri orkusviðs Landsvirkjunar, frá sjónarmiðum Landsvirkjunar vegna óskar um hækkun stíflu við inntaksmannvirki Laxárstöðva.

Fulltrúar Landsvirkjunar og Suðurverks hf. í Hafnarfirði undirrituðu í dag samning um gerð Sauðárstíflu (KAR-12) og Desjarárstíflu (KAR-13) vegna Kárahnjúkavirkjunar. Samningurinn hljóðar upp á ríflega 2,4 milljarða króna með virðisaukaskatti.

Við leitum eftir samstarfi við félagasamtök, sveitarfélög og stofnanir sem ætla að vinna að verkefnum á sviði umhverfismála eða ferðamála í sumar.

Nokkur umræða hefur verið um hugsanlega hækkun inntaksstíflu við Laxárstöðvar í Aðaldal í fjölmiðlum undanfarna daga. Tilefnið er að umhverfisráðherra hefur lagt fram frumvarp um breytingar á lögum um verndun Mývatns og Laxár.

Bjarni Pálsson, verkfræðingur hjá Landsvirkjun, varði doktorsritgerð sína við Olíuverkfræðistofnun Heriot-Watt háskóla í Edinborg þann 28. janúar síðastliðinn.  Ritgerðin nefnist „A study on the Parameters Controlling (Matrix) Injectivity of Produced Water” og fjallar um rannsóknir á þeim þáttum sem ákvarða árangur af niðurdælingu skiljuvatns frá olíuvinnslu í ósprungin berglög. 

Landsvirkjun og Listahátíð í Reykjavík hafa undirritað samstarfssamning sem felur í sér að Landsvirkjun styður komu kórs Sankti Basils dómkirkjunnar í Rússlandi til landsins og tónleikahalds í Reykjavík á listahátíðinni 2004.

Á þessu ári er þess minnst að liðin eru 100 ár frá því að hafist var handa við að nýta raforku á Íslandi. Þess verður minnst með ýmsum hætti á næstu mánuðum.

Í dag gekk í Hæstarétti endanlegur dómur um lögmæti málsmeðferðar við mat á umhverfisáhrifum Kárahnjúkavirkjunar. Staðfesti Hæstiréttur afdráttarlausa niðurstöðu héraðsdóms og hafnaði öllum kröfum stefnenda málsins, Náttúruverndarsamtaka Íslands o.fl., um ógildingu úrskurðar umhverfisráðherra um mat á umhverfisáhrifum Kárahnjúkavirkjunar.

Í Ríkisútvarpinu 15. janúar kom fram að ASÍ telur að stóriðjuframkvæmdirnar við Kárahnjúka skili sér í mun minna mæli inn í íslenskan vinnumarkað en gert var ráð fyrir í upphafi. Landsvirkjun hefur í tæpt ár bent á það að hlutfall erlends vinnuafls verði verulegt.