Fréttasafn
Horfur um lánshæfi Landsvirkjunar batna
Alþjóðlega matsfyrirtækið Moody's breytti í gær horfum fyrir lánshæfiseinkunn Landsvirkjunar úr neikvæðum í stöðugar.
Fram kemur í fréttatilkynningu frá Moody‘s að breytingin endurspegli samskonar breytingu og gerð var á einkunn íslenska ríkisins 23. apríl síðast liðinn. Þetta þýðir að einkunn Landsvirkjunar helst óbreytt, Baa3, og er fyrirtækið áfram í fjárfestingaflokki, en horfurnar eru nú stöðugar.