Stefán Pétursson, framkvæmdastjóri, skiptir um starf
Eru Stefáni þökkuð farsæl störf í þágu Landsvirkjunar og honum óskað velfarnaðar á nýjum vettvangi.
Stefán Pétursson hefur verið ráðinn framkvæmdastjóri fjármálasviðs hjá Arion banka. Hann mun taka við nýja starfinu 20. ágúst nk. og mun láta af störfum sem framkvæmdastjóri fjármálasviðs Landsvirkjunar á sama tíma.
„Stefán hefur starfað hjá Landsvirkjun í rúmlega 18 ár, fyrst sem yfirmaður lánamála, síðan sem deildarstjóri fjármáladeildar og loks sem framkvæmdastjóri fjármálsviðs frá árinu 2002. Þessi tími hefur verið mikið uppbyggingartímabil í sögu Landsvirkjunar, framleiðslugeta hefur þrefaldast og hefur Stefán gegnt mikilvægu hlutverki við stjórnun og stefnumörkun fyrirtækisins. Eru Stefáni þökkuð farsæl störf í þágu Landsvirkjunar og honum óskað velfarnaðar á nýjum vettvangi."
Hörður Arnarson, forstjóri