Landsvirkjun og Íslenska óperan endurnýja samstarfssamning
Landsvirkjun kemur að kostun á sýningum á óperunni The Rakes Progress eftir Stravinskji.
Landsvirkjun hefur um árabil stutt við starfsemi Íslensku óperunnar. Bjarni Daníelsson, óperustjóri, og Þorsteinn Hilmarsson, upplýsingafulltrúi Landsvirkjunnar, hafa skrifað undir samstarfssamning sem felur í sér að Landsvirkjun kemur að kostun á sýningum á óperunni The Rakes Progress eftir Stravinskji sem verður frumsýnd í febrúar 2007.
The Rakes Progress er aðalverkefni Íslensku óperunnar á vormisseri 2007. Leikstjóri er Halldór E. Laxness og hljómsveitarstjóri er Kurt Kopecky. Einsöngvarar í sýningunni eru Jóhann Smári Sævarsson, Gunnar Guðbjörnsson, Hulda Björk Garðarsdóttir, Ágúst Ólafsson, Sigríður Aðalsteinsdóttir, Ingveldur Ýr Jónsdóttir og Snorri Wium. Þess má geta að Halldór E. Laxness leikstýrði uppsetningu Óperunnar á Tökin hert sl. haust en sú sýning hlaut Íslensku tónlistarverðlaunin í flokknum sígild og samtímatónlist fyrir árið 2005.
Þorsteinn Hilmarsson, upplýsingafulltrúi Landsvirkjunar (t.v.)
og Bjarni Daníelsson, óperustjóri við undirritun samningsins.