Fréttasafn
Sultartangastöð komin í fullan rekstur
Báðir spennar Sultartangastöðvar eru komnir aftur í rekstur. Vélaspennir við vél eitt var settur inn rétt fyrir páska eftir gagngerða endurnýjun sem fram fór hjá ABB í Drammen í Noregi.
Eins og áður hefur verið greint frá urðu alvarlegar bilanir með stuttu millibili í báðum aflspennum Sultartangastöðvar í árslok 2007. Bilanirnar voru þess eðlis að orkuvinnsla stöðvarinnar skertist verulega.
Raforkuvinnsla stöðvarinnar nam 310 GWst á árinu 2008 en var 903 GWst á árinu 2007. Grunnorsök bilananna er rakin til einangrunarolíu sem sett var á spennana í upphafi. Í ljós hefur komið að ákveðin efni í olíunni ollu skemmdum á einangrun spennanna.