Landsvirkjun

Margar hendur vinna létt verk! - samstarfsaðilar óskast

11. mars 2003

Við bjóðum fram krafta vinnuhópa ungmenna á aldrinum 16 til 20 ára sem starfa hjá okkur á sumrin. Auk þess sem hóparnir sinna viðhaldi og snyrtingu í nágrenni mannvirkja okkar hafa þeir um árabil sinnt umhverfismálum og sköpun aðstöðu til útivistar og ferðamennsku víða um land. Við viljum eiga samstarf um verkefni sem lúta að ræktun, hreinsun og öðrum umhverfisbótum ásamt t.d. stígagerð og stikun gönguleiða.

Við bjóðum fram vinnuframlag unglinganna og flokkstjórn yfir þeim.

Við óskum eftir að samstarfsaðilar leggi fram vel skilgreind verkefni, efniskostnað, vinnuskipulag og stjórnun verkefnisins. Verkefni sumarsins geta verið til lengri eða skemmri tíma.

Umsóknum skal skila í síðasta lagi 28. mars nk. til Landsvirkjunar, Háaleitisbraut 68, 103 Reykjavík.

Nánari upplýsingar:
Ragnheiður Ólafsdóttir umhverfisstjóri og Þorsteinn Hilmarsson upplýsingafulltrúi.
Sími 515 9000 - landsvirkjun@lv.is 

Viðhengi:
Auglýsing í fjölmiðlum

Fréttasafn Prenta