Landsvirkjun

Fjármögnun Landsvirkjunar 2006 nærri lokið

17. júlí 2006

Lánstíminn er 20 ár og eru kjör skuldabréfsins Euribor +0,09%. Umsjónaaðilar útgáfunar er franski bankinn IXIS  og er fjárfestirinn evrópskur.

Samhliða þessum viðskiptum er verið að ljúka útgáfu á skuldabréfi að fjárhæð 50 milljónir evra, sem svarar til um 4,8 milljarða króna, til 10 ára. Kjörin eru skv. útgefnum viðmiðum og er umsjónaraðilinn skandinavískur. Skuldabréfið er einnig gefið út undir EMTN rammasamning Landsvirkjunar.

Með útgáfunum er fjármögnun ársins nærri lokið en einungis er eftir að fjármagna sem svarar til um 1,6 milljarða króna en heildarfjárþörf fyrirtækisins á árinu er um 45 milljarðar króna. Fjármögnun ársins hefur gengið vel og hafa kjör fyrirtækisins verið í samræmi við markmið og fjármögnunin farið að mestu farið fram á Evrópumarkaði.

Fyrir utan fjármögnun ársins hefur Landsvirkjun aðgang að veltiláni að upphæð 400 milljón dollara sem tekið var í árslok 2005 og er ætlað að styðja enn frekar við lausafjárstöðu fyrirtækisins.

Nánari upplýsingar veitir Hulda Pjetursdóttir, yfirmaður lánamála í síma 515 9233.

 

Fréttasafn Prenta