Landsvirkjun

Margar hendur vinna létt verk

23. mars 2007

Margar hendur vinna létt verk - sáningVið bjóðum fram krafta vinnuhópa ungmenna á aldrinum 16 til 20 ára sem starfa hjá okkur á sumrin.

Hóparnir sinna viðhaldi og snyrtingu í nágrenni mannvirkja okkar og hafa um árabil sinnt umhverfismálum og bætt aðstöðu til útivistar og ferðamennsku víða um land.

Við viljum eiga samstarf um verkefni sem lúta að ræktun, hreinsun og öðrum umhverfisbótum ásamt t.d. stígagerð og stikun gönguleiða.

  • Við bjóðum fram vinnuframlag unglinganna og flokkstjórn yfir þeim.
  • Við óskum eftir að samstarfsaðilar leggi fram vel skilgreind verkefni, samkvæmt nánari lýsingu á umsóknareyðublaði sem hægt er að opna með tenglinum hér að ofan.

Nánari upplýsingar veita Þorsteinn Hilmarsson, upplýsingafulltrúi, og Ragnheiður Ólafsdóttir, umhverfisstjóri, í síma 515 9000 - thorsteinn@lv.is og ragnheidur@lv.is.

Umsóknarfresturvar til 18. apríl.

Á síðasta ári átti Landsvirkjun í samstarfi við fjölmarga aðila um allt land. Sem dæmi má nefna nokkra samstarfsaðila á Suðurlandi.

Landgræðsla ríkisins - Gróðursetning á lúpínu og áburðardreifing á trjáplöntur.
Skógræktarfélag Rangæinga - Plöntun, áburðargjöf, hreinsun á viði út úr skógi.
Golfklúbbur Hellu - Gróðursetning við Golfvöllinn Strönd.
Skógrækt ríkisins - Lagfæring á göngustígum og snyrting á skógarsvæðum.
Golfklúbbur Kiðjabergs í Grímsnesi  - Þökulagning í kringum sandgryfjur og torfhleðsla.
Sólheimar í Grímsnesi - Girðingarvinna, göngustígagerð, trjáplöntun o.fl.

 

Fréttasafn Prenta