Landsvirkjun

Auglýst eftir umsóknum um styrki vegna meistara- eða doktorsverkefna

5. mars 2004

Ákveðið hefur verið að verja samtals 3 milljónum króna í námsstyrki á þessu ári og verður fyrstu styrkjunum úthlutað í maí næstkomandi. Hver styrkur verður að lágmarki 400 þúsund krónur.

Markmið með námsstyrkjunum er að efla menntun og hvetja til rannsókna á hinum margvíslegu sviðum sem tengjast starfsemi Landsvirkjunar. Umsækjendur eru sérstaklega hvattir til að kynna sér hina fjölbreyttu starfsemi Landsvirkjunar á vefsíðu fyrirtækisins. Styrkjunum er ætlað að standa undir hluta af kostnaði við lokaverkefni sem hafið er eða mun hefjast á þessu ári.

JöklarannsóknirUmsækjendur þurfa að leggja fram lýsingu á verkefninu, meðmæli leiðbeinanda og rökstuðning fyrir því að verkefnið tengist starfsemi Landsvirkjunar.

Umsóknum ásamt fylgigögnum skal skila á skrifstofu Landsvirkjunar, Háaleitisbraut 68, 103 Reykjavík, merktum: „NÁMSSTYRKIR LANDSVIRKJUNAR 2004“.

Umsóknarfrestur er til 5. apríl 2004. Öllum umsóknum verður svarað og farið verður með þær sem trúnaðarmál.

Fimm manna úthlutunarnefnd mun meta styrkumsóknir og velja þau verkefni sem hljóta styrk. Í úthlutunarnefndinni sitja Stefanía Katrín Karlsdóttir (formaður), rektor Tækniháskóla Íslands, Gunnar Örn Gunnarsson, framkvæmdastjóri Nýsköpunarsjóðs atvinnulífsins, Hildur Hrólfsdóttir, verkfræðingur á flutningssviði Landsvirkjunar, Ólöf Nordal, lögfræðingur á orkusviði Landsvirkjunar, og Bjarni Pálsson verkfræðingur á verkfræði- og framkvæmdasviði Landsvirkjunar.

 

Fréttasafn Prenta