Landsvirkjun

Stefán Pétursson ráðinn framkvæmdastjóri HydroKraft Invest hf.

29. janúar 2008

Á aðalfundi HydroKraft Invest hf. sem haldinn var í dag voru kjörnir í stjórn Halldór J. Kristjánsson, formaður, Ívar Guðjónsson og Pétur Örn Sverrisson fyrir hönd Landsbankans og Bjarni Bjarnason, varaformaður, Friðrik Sophusson og Björn Stefánsson fyrir hönd Landsvirkjunar. Stefán Pétursson hefur verið ráðinn framkvæmdastjóri fyrirtækisins en hann hefur stýrt fjármálasviði Landsvirkjunar undanfarin ár. Stefán er viðskiptafræðingur frá Háskóla Íslands og er með MBA gráðu frá Babson College í Boston.

HydroKraft Invest er fjárfestingafélag í eigu Landsbankans Vatnsafls og Landsvirkjunar Power sem hefur það að markmiði að fjárfesta í umbreytingaverkefnum og nýframkvæmdum á sviði endurnýjanlegrar orku. Hluthafar hafa samþykkt að leggja félaginu til allt að 10 milljarða króna eigið fé eftir því sem fjárfestingaverkefni á næstu árum gefa tilefni til. HydroKraft Invest hefur frá því að félagið var stofnað í mars síðastliðnum leitað tækifæra á alþjóðavettvangi, einkum þá í Suðaustur-Evrópu og eru nú til skoðunar verkefni í nokkrum löndum.

Fréttasafn Prenta