Landsvirkjun

Sultartangastöð framleiðir rafmagn á ný

26. febrúar 2008
Verkið gekk vel í alla staði og framleiðir Sultartangastöð nú rafmagn á ný, en með
hálfum afköstum. Rafmagnsframleiðsla í stöðinni hefur legi niðri síðan á aðfangadag. Þrátt fyrir
þessa miklu bilun tókst nánast að afhenda ótryggt rafmagn og afgangsorku að fullu til viðskiptavina Landsvirkjunar meðan á viðgerð stóð. Með raforkuframleiðslu í Sultartangastöð á ný eftir tveggja mánaða hlé eykst öryggið í raforkukerfinu verulega.
 
Vegna langs afhendingartíma á varahlutum í spennanna var gripið til þess ráðs að flytja varahluti frá spenninum sem bilaði á aðfangadag yfir í spenninn sem bilaði 1. nóvember. Viðgerð þessi fór fram á staðnum og önnuðust starfsmenn Landsvirkjunar og Landsnets verkið undir leiðsögn
sérfræðinga hins franska framleiðanda spennanna. Áætlað er að viðgerð á seinni spenninum ljúki í lok apríl en bíða þarf eftir nýjum varahlutum frá framleiðandanum í hann. Bilun varð í einangrun spennanna sem líklega má rekja til eldinga.
 
Spenni komið fyrir í Sultartangastöð
Spenninum komið fyrir á sínum stað fyrir framan Sultartangastöð
 
 

Fréttasafn Prenta