Landsvirkjun

Margar hendur vinna létt verk

15. mars 2008

Margar hendur vinna létt verk - sáninggVið bjóðum fram krafta vinnuhópa ungmenna á aldrinum 16 til 20 ára sem starfa hjá okkur á sumrin.

Hóparnir sinna viðhaldi og snyrtingu í nágrenni mannvirkja okkar. Um árabil hafa þeir sinnt umhverfismálum og bætt aðstöðu til útivistar og ferðamennsku víða um land.

Við viljum eiga samstarf um verkefni sem lúta að ræktun, hreinsun og öðrum umhverfisbótum ásamt t.d. stígagerð og stikun gönguleiða.

  • Við bjóðum fram vinnuframlag unglinganna og flokkstjórn yfir þeim.
  • Við óskum eftir að samstarfsaðilar leggi fram vel skilgreind verkefni, samkvæmt nánari lýsingu á umsóknareyðublaði sem hægt er að opna með tenglinum hér að ofan.

Nánari upplýsingar veita Þorsteinn Hilmarsson, upplýsingafulltrúi, og Ragnheiður Ólafsdóttir, umhverfisstjóri, í síma 515 9000 - thorsteinn hjá lv.is og ragnheidur hjá lv.is.

Umsóknum skal skila í síðasta lagi 4. apríl með því að sækja um hér á vefnum.

Fréttasafn Prenta