Landsvirkjun

Hálslón að komast á yfirfall

19. ágúst 2016
Þegar vatn rennur á yfirfalli myndast fossinn Hverfandi við vestari enda Kárahnjúkastíflu.

Yfirborð Hálslóns er nú í 624 metra hæð yfir sjávarmáli og reiknað er með að rennsli á yfirfalli hefjist um helgina, þegar lónið nær 625 mys. Fylling þess í sumar hefur verið jöfn og sígandi, nokkuð nærri þeim væntingum sem voru gerðar í vor.

Þegar vatn rennur á yfirfalli myndast fossinn Hverfandi við vestari enda Kárahnjúkastíflu niður að gljúfurbarminum og þaðan steypist vatnið 90-100 metra niður í Hafrahvammagljúfur. Fossinn er aflmikill og getur orðið vatnsmeiri en Dettifoss.

Staða annarra miðlunarlóna Landsvirkjunar

Staða annarra lóna er misjöfn. Hágöngulón er fullt en enn vantar um 3,5 m upp á að Þórisvatn fyllist, en yfirfallshæð þar er 579 metrar yfir sjávarmáli. Í Blöndulón vantar enn um 1,2 metra til að ná fyllingu.

Hálslón á yfirfalli 2008-2016

2016 21. ágúst
2015 9. október
2014 1. september
2013 31. ágúst
2012 7. ágúst
2011 13. september
2010 28. júlí
2009 9. september
2008 16. ágúst

Nánari upplýsingar

Upplýsingar um vatnsstöðu lóna: Vöktun á vatnsstöðu í lónum og öðrum umhverfisþáttum á rauntíma.

Fréttasafn Prenta