Landsvirkjun

Landsvirkjun aftur í fjárfestingaflokk eftir hækkun hjá matsfyrirtækinu Standard & Poor‘s

19. janúar 2016
Höfuðstöðvar Landsvirkjunar

Matsfyrirtækið Standard & Poor's hefur hækkað lánshæfiseinkunn Landsvirkjunar í BBB- úr BB+. Á það bæði við um langtímaskuldbindingar sem eru með og án ríkisábyrgðar. Hækkunin kemur í kjölfar hækkunar á lánshæfi ríkissjóðs um einn flokk í BBB+ úr BBB frá 15. janúar 2016. Horfur eru metnar stöðugar.

Hörður Arnarson forstjóri: „Þetta eru mjög góð tíðindi fyrir Landsvirkjun og staðfestir jákvæða þróun í rekstri sem byggir á  bættum fjárhag og lækkun skulda. Að komast í fjárfestingaflokk án ríkisábyrgðar eykur traust lánveitenda og styður við starfsemi Landsvirkjunar meðal annars með bættu aðgengi að lánsfjármagni og lægri fjármagnskostnaði. Við munum áfram leggja megin áherslu á lækkun skulda og að styrkja rekstur fyrirtækisins enn frekar”.

Fréttasafn Prenta