Landsvirkjun

Landsvirkjun í fjárfestingaflokk eftir hækkun hjá matsfyrirtækinu Moody‘s

5. september 2016
Höfuðstöðvar Moody´s í New York. Mynd af heimasíðu Reuters

Matsfyrirtækið Moody‘s hefur hækkað lánshæfiseinkunn Landsvirkjunar án ríkisábyrgðar í Baa3 úr Ba1. Lánshæfiseinkunn með ríkisábyrgð hækkar í Baa1 úr Baa2. Horfur eru metnar stöðugar. Hækkunin kemur í kjölfar hækkunar á lánshæfi ríkissjóðs þann 1. september 2016.

Hörður Arnarson forstjóri:

„Með þessari hækkun er Landsvirkjun komin í fjárfestingaflokk án ríkisábyrgðar hjá bæði Moody’s og S&P sem eru afar góðar fréttir. Að komast í fjárfestingaflokk eykur traust lánveitenda og styður við starfsemi Landsvirkjunar með bættu aðgengi að lánsfjármagni og lægri fjármagnskostnaði. Landsvirkjun mun áfram leggja megin áherslu á lækkun skulda og að styrkja rekstur og fjárhag fyrirtækisins enn frekar”.

Fréttasafn Prenta