Landsvirkjun

Landsvirkjun Power framúrskarandi fyrirtæki árið 2013

17. febrúar 2014

Creditinfo hefur unnið ítarlega greiningu sem sýnir hvaða íslensku fyrirtæki hafa fengið bestu einkunn í styrk- og stöðugleikamati félagsins og telst rekstur þeirra því til fyrirmyndar. Af rúmlega 33.000 fyrirtækjum sem skráð eru í hlutafélagaskrá verðskulda 462 nafnbótina „Framúrskarandi fyrirtæki 2013“ samkvæmt mati Creditinfo. Einungis einkahlutafélög af hlutafélagaskrá koma til skoðunar hjá Creditinfo og því var Landsvirkjun ekki metin.

Landsvirkjun Power ehf. er í hópi framúrskarandi fyrirtækja. Landsvirkjun Power ehf. hóf starfsemi í ársbyrjun 2008 en hlutverk þess er að nýta þekkingu Landsvirkjunar til að vinna að ráðgjafarverkefnum í orkumálum á alþjóðavettvangi. Landsvirkjun Power ehf. er að fullu í eigu Landsvirkjunar.

Til að standast styrkleikamat Creditinfo þurfa fyrirtæki að uppfylla eftirfarandi kröfur:

  • Hafa skilað ársreikningum til RSK 2010 til 2012
  • Minna en 0,5% líkur á alvarlegum vanskilum
  • Að sýna jákvæðan rekstrarhagnað (EBIT) þrjú ár í röð
  • Að ársniðurstaða sé jákvæð þrjú ár í röð
  • Að eignir séu 80 milljónir eða meira árin 2010-2012
  • Að eiginfjárhlutfall sé 20% eða meira rekstrarárin 2010-2012
  • Að vera með skráðan framkvæmdastjóra í hlutafélagaskrá
  • Að vera virkt fyrirtæki skv. skilgreiningu Creditinfo

Heimasíðu Landsvirkjun Power má skoða hér.

Fréttasafn Prenta