Landsvirkjun

Landsvirkjun semur um lán frá Japan vegna Þeistareykjavirkjunar

11. desember 2015

Japanska lánastofnunin Japan Bank for International Cooperation (JBIC) veitir lán að fjárhæð allt að 34 milljónir Bandaríkjadala á föstum vöxtum. Þá munu Citibank Japan Ltd. (í forstöðuhlutverki), Bank of Yokohama og Commerzbank AG, Tokyo Branch einnig veita lán að fjárhæð allt að 34 milljónir Bandaríkjadala á fljótandi vöxtum með ábyrgð frá Nippon Export and Investment Insurance (NEXI) og nemur heildarlánsfjárhæð því allt að 68 milljónum Bandaríkjadala.

Lánið er til 20 ára og er veitt án ríkisábyrgðar. Þetta er í fyrsta sinn sem umræddar lánastofnanir veita slíkt lán til hátekju OECD ríkis vegna verkefnis sem tengt er endurnýjanlegri orku.

Takanawa Japan KK og Citigroup voru ráðgjafar Landsvirkjunar við fjármögnunina.

Hörður Arnarson, forstjóri: „Þetta er tímamótasamningur fyrir Ísland og Japan þar sem þetta er í fyrsta sinn sem Ísland fær fjármögnun með þessum hætti frá Japan. Við erum virkilega ánægð með þann stuðning sem Japanskar lánastofnanir veita til fjármögnunar Þeistareykjavirkjunar.“

Meðfylgjandi er ljósmynd frá undirrituninni. Þeir sem eru í fremri röð, frá vinstri, eru eftirfarandi:

Takeshi Endo, Manager, Bank of Yokohama

Oi Mari, Executive Director, NEXI

Rafnar Lárusson, CFO, Landsvirkjun

Hideo Naito, Managing Executive Officer, JBIC

Ravi Saxena, Executive Officer, Citibank Japan

Thomas Mueldner, General Manager, Commerzbank AG

Fréttasafn Prenta