Landsvirkjun

Landsvirkjun semur um veltilán í íslenskum krónum

9. september 2015

Landsvirkjun skrifaði í dag undir sambankalán í íslenskum krónum til sjö ára að fjárhæð 12 milljarðar króna (jafnvirði um 93 milljóna USD). Lánið er veltilán og getur fyrirtækið dregið á lánið og endurgreitt eftir þörfum. Með lántökunni endurfjármagnar Landsvirkjun eldra sambankalán frá árinu 2011.

Íslandsbanki, ásamt Arion banka og Landsbankanum veita lánið sem samanstendur af jöfnum hlut frá bönkunum þremur, 4 milljarðar hver hlutur. Íslandsbanki sá um skjalagerð og umsýslu við lánveitinguna fyrir hönd Landsvirkjunar.

Markmið lántökunnar er að Landsvirkjun hafi ávallt tryggan og greiðan aðgang að fjármögnun í íslenskum krónum.

Nánari upplýsingar veitir Rafnar Lárusson, framkvæmdastjóri fjármálasviðs.

Fréttasafn Prenta