Landsvirkjun

Ný stjórn Landsvirkjunar kjörin á aðalfundi

2. apríl 2014
Höfuðstöðvar Landsvirkjunar

Á aðalfundi Landsvirkjunar, sem haldinn var í dag, var samþykkt tillaga fjármála- og efnahagsráðherra um kjör aðalmanna og varamanna í stjórn Landsvirkjunar.

Aðalmenn í stjórn Landsvirkjunar voru kjörnir: Jónas Þór Guðmundsson, hæstaréttarlögmaður og formaður Lögmannafélags Íslands, Helgi Jóhannesson, hæstaréttarlögmaður, Jón Björn Hákonarson, forseti bæjarstjórnar Fjarðabyggðar, Þórunn Sveinbjarnardóttir, framkvæmdastýra Samfylkingarinnar og Álfheiður Ingadóttir, líffræðingur.

Varamenn í stjórn Landsvirkjunar voru kjörnir: Páley Borgþórsdóttir, Teitur Björn Einarsson, Ásta Björg Pálmadóttir, Skúli Helgason og Steinþór Heiðarsson.

Aðalfundurinn staðfesti skýrslu fráfarandi stjórnar og samstæðureikning fyrir liðið reikningsár.

Á aðalfundinum var jafnframt samþykkt tillaga stjórnar um arðgreiðslu til eigenda að fjárhæð 1,5 milljarðar króna fyrir árið 2013.

Á aðalfundinum var Deloitte ehf. kosið endurskoðunarfyrirtæki Landsvirkjunar að fenginni tillögu Ríkisendurskoðunar, sem efndi til útboðs á endurskoðun reikninga Landsvirkjunar í mars 2014. Var niðurstaðan sú að ganga til samninga við endurskoðunarfyrirtækið Deloitte ehf.

Jónas Þór Guðmundsson, hæstaréttarlögmaður, nýr stjórnarformaður Landsvirkjunar

Á fyrsta fundi nýrrar stjórnar eftir aðalfund var Jónas Þór Guðmundsson kjörinn formaður stjórnar og Jón Björn Hákonarson varaformaður.

Rafræna ársskýrslu og ársreikning Landsvirkjunar fyrir árið 2013 má lesa hér.

Fréttasafn Prenta