Landsvirkjun

Skuldabréfaútgáfa

14. janúar 2015
Höfuðstöðvar Landsvirkjunar

Landsvirkjun lauk í gær, 13. janúar 2015, útboði á skuldabréfi til 10 ára að fjárhæð 30 milljónir Bandaríkjadala en tilboð bárust fyrir alls 54 milljónir Bandaríkjadala. Skuldabréfið ber 4,3% fasta vexti sem greiðast tvisvar á ári en höfuðstóll greiðist í einu lagi á lokagjalddaga.

Skuldabréfið er selt til íslenskra lífeyrissjóða með heimild frá Seðlabanka Íslands. Skuldabréfaútgáfan er gerð undir EMTN (e. Euro Medium Term Note) ramma félagsins án ríkisábyrgðar og verður skráð í kauphöllinni í Lúxemborg. Umsjónaraðili útgáfunnar er Íslandsbanki.

Andvirði útgáfunnar verður nýtt til almennrar endurfjármögnunar.

Nánari upplýsingar veitir Rafnar Lárusson, framkvæmdastjóri fjármálasviðs í síma 515 9000, netfang: rafnar@lv.is.

Fréttasafn Prenta