Landsvirkjun

Virkjunarannsóknir á efri hluta vatnasviðs Skjálfandafljóts

25. júní 2013

Hrafnabjargavirkjun hf. og Landsvirkjun hafa fengið úthlutað sameiginlegu rannsóknarleyfi frá Orkustofnun til rannsóknar á efri hluta vatnasviðs Skjálfandafljóts á virkjunarsvæðum sem hafa verið kennd við Hrafnabjörg og Fljótshnjúk. Rannsóknarleyfið gildir til ársloka 2017. Sem stendur eru virkjunarkostir á vatnasvæði Skjálfandafljóts í biðflokki samkvæmt rammaáætlun þar sem ekki liggja fyrir nægileg gögn og rannsóknir á svæðinu. Markmið rannsóknanna er að meta hagkvæmni og leggja fram tillögur að mögulegum virkjunarkostum á vatnasviðinu. Nýjar útfærslur á virkjunarkostum verða lagðir fram við endurskoðun rammaáætlunar.

Fréttasafn Prenta