Búðarhálsvirkjun
Undirbúningur Búðarhálsvirkjunar stendur nú yfir.
Búðarhálsvirkjun hlaut samþykki í mati á umhverfisáhrifum árið 2001 og í framhaldi af því voru veitt bæði virkjunarleyfi og framkvæmdaleyfi. Landsvirkjun hóf framkvæmdir við byggingu stöðvarinnar í kjölfarið enda liggja öll tilskilin leyfi fyrir. Lagður var aðkomuvegur um Búðarháls með brú yfir Tungnaá og grafið var fyrir stöðvarhússgrunninum.
Áætlað afl Búðarhálsvirkjunar verður um 80 MW og orkugeta allt að 585 GWst á ári. Inntakslón Búðarhálsvirkjunar, Sporðöldulón, verður myndað með um 2,1 km langri stíflu yfir Köldukvísl, skammt ofan við ármót Köldukvíslar og Tungnaár rétt neðan við Hrauneyjafossstöð. Mesta hæð stíflunnar verður um 24 m. Áætlað flatarmál lónsins er 7 km2.
Stöðvarhús Búðarhálsvirkjunar verður ofanjarðar og grafið inn í hlíð Búðarháls við Sultartangalón.
Nánari upplýsingar um fyrirhugaða virkjun >>
Fleiri myndir og kort af fyrirhugaðri Búðarhálsvirkjun