Djúpborunarverkefnið
Árið 2009 verður djúpborunarverkefninu við Kröflu haldið áfram. Borun djúpborunarholunnar í Kröflu hófst árið 2008.
Með djúpborunum hófst nýr og spennandi kafli í orkusögunni þar sem tilraun er gerð til að nýta háhitasvæði með gjörbreyttum hætti og sækja vistvæna orku niður á meira dýpi en dæmi eru um áður.
Vonir standa til að hola sem nær niður á um 4.500 metra dýpi geti orðið allt að 5-10 sinnum öflugri en venjulegar háhitaholur og að hún gefi allt að 40-50 MW rafafl hver um sig. IDDP verkefnið hefur verið í undirbúningi frá árinu 2000 og þegar framkvæmdum lýkur við Kröflu, taka við djúpborunarverkefni á Hengilssvæðinu og á Reykjanesi. Framkvæmdir við IDDP verkefnið munu standa til ársins 2015 og heildarkostnaður er áætlaður hátt í fjóra milljarða króna.
Sjá nánar á vef djúpborunarverkefnisins: www.iddp.is.