Dótturfélög og tengd fyrirtæki
Dótturfélög
| Landsnet |
Landsnet hf. var stofnað á grundvelli raforkulaga sem samþykkt voru á Alþingi á vormánuðum 2005. Hlutverk fyrirtækisins er að annast flutning raforku og stjórnun raforkukerfisins. Landsnet starfar samkvæmt sérleyfi og er háð eftirliti Orkustofnunar sem ákvarðar tekjurammann sem gjaldskrá fyrirtækisins miðast við. Landsvirkjun á um 65% hlut í fyrirtækinu en önnur orkufyrirtæki eiga afganginn. |
| Landsvirkjun Power | Landsvirkjun Power var stofnað árið 2007 en hóf starfsemi sína 1. janúar 2008. Hjá Landsvirkjun Power starfa um 40 manns sem flestir störfuðu áður fyrr hjá verkfræði- og framkvæmdasviði Landsvirkjunar. Verkefni Landsvirkjunar Power felast í undirbúningi, almennum rannsóknum, hönnun og byggingu jarðvarma- og vatnsaflsvirkjana fyrir Landsvirkjun og raforkukerfa fyrir Landsnet auk sérfræðiráðgjafar fyrir dóttur-og hlutdeildarfélög Landsvirkjun Power. Einnig er það markmið LVP að leita uppi tækifæri í orkumálum á alþjóðavettvangi með beinni þátttöku í verkefnum í öðrum löndum. Landsvirkjun Power er í 100% eigu Landsvirkjunar. |
| Fjarski | Fjarski ehf. var stofnaður þann 10. október 2000 og er alfarið í eigu Landsvirkjunar. Fjarski yfirtók fjarskiptakerfi sem Landsvirkjun hefur rekið um árabil til fjarstýringar á virkjunum og fjarskiptatenginga á hálendinu. Tilgangurinn með stofnun Fjarska er að útvíkka þessa starfssemi og nýta betur flutningsgetuna í ljósleiðara- og örbylgjukerfum og selja öðrum fyrirtækjum fjarskiptaþjónustu. |
| Icelandic Power Insurance | Tilgangur Icelandic Power Insurance er að annast um tryggingar og endurtryggingar á aflstöðvum Landsvirkjunar og hafa umsjón með framkvæmdatryggingum verktíma. |
Tengd fyrirtæki
| Þeistareykir ehf. | Þeistareykir ehf. var stofnað í apríl 1999. Hlutverk fyrirtækisins er að ... Landsvirkjun á um 32% í fyrirtækinu. Vefur Þeistareykja >> |
| Netorka | Netorka hf. er sameiginlegt mæligagna- og uppgjörsfyrirtæki sem þjónar íslenskum raforkumarkaði. Netorka annast uppgjör og vinnslu sölumælinga og heldur utan um breytingar á viðskiptum raforkuseljenda og kaupenda. Vefur Netorku >> |
| Farice | Farice hf var stofnað í september 2002 í þeim tilgangi að undirbúa og reka sæstrenginn FARICE-1. Vefur Farice >> |
| Orkuvörður | Orkuvörður ehf. sér um rekstur RES orkuskóla á Akureyri. RES orkuskóli býður upp á eins árs meistaranám í endurnýjanlegum orkugjöfum. Markmið félagsins er að starfa í þágu almannaheilla og verður hagnaði þess einungis ráðstafað í þágu skólans. |
| Neyðarlínan | Neyðarlínan sér um rekstur neyðarnúmersins 112. Neyðarlínan sér einnig um rekstur Vaktstöðvar siglinga og fjarskiptastöðvarinnar í Gufunesi. Neyðarlínan á og rekur fjarskiptafyrirtækið Tetra Ísland. Vefur Neyðarlínunnar >> |
| DMM lausnir | DMM lausnir ehf. er hugbúnaðar- og ráðgjafarfyrirtæki sem sérhæfir sig í framleiðslu upplýsingakerfanna DMM og Inspector.is og ráðgjöf í tengslum við notkun kerfanna hjá viðskiptavinum. Vefur DMM lausna >> |
| Vistorka | Vistorka er samvinnuvettvangur orkufyrirtækja og rannsóknastofnana sem standa að Íslenskri NýOrku. Leiðarljós Íslenskrar NýOrku er að standa fyrir verkefnum til að prófa nýja vetnistækni og stuðla að notkun vetnis í íslensku samfélagi. Vefur Íslenskrar NýOrku >> |