Sumarvinna

Umsóknarfrestur um sumarvinnu rann út í lok febrúar.

Löng hefð er fyrir vinnu skólafólks hjá Landsvirkjun. Skólafólkið kemur til starfa á sumrin og eykst þá fjöldi starfsmanna á virkjunarsvæðum verulega. Í gegnum tíðina hafa verkefni sumarvinnuhópa orðið fjölbreyttari en til að byrja með sáu hóparnir fyrst og fremst um almenna hirðu í kringum stöðvar og mannvirki fyrirtækisins.

Sumarvinnufólk Landsvirkjunar vinnur margvísleg störf um allt land en þó má segja að umhverfis- og ferðamál skipi stærstan sess í starfi þeirra. Sumarvinnufólkið fær einnig fræðslu og situr námskeið af ýmsu tagi.

Ár hvert starfa hópar við Blöndu, Búrfell, Kröflustöð, Laxárstöðvar, Sogsstöðvar, Fljótsdalsstöð og við mannvirki Landsvirkjunar í Reykjavík. Auk eru umhverfishópar á ferðinnu um allt land sem sinna uppgræðslu og trjáplöntun.

Alls starfa um það bil 190 manns við aflstöðvar og við verkefnið „Margar hendur vinna létt verk“.

Auk uppgræðslu og skógræktarverkefna sinna sumarvinnuhópar daglegri hirðu virkjunarsvæða og umhverfis mannvirkja fyrirtækisins. Þá koma hóparnir í auknum mæli að endurbótum á ferðamannaaðstöðu, vegagerð og ýmsu sem bætir aðkomu að virkjunar- og ferðamannasvæðum. Þessi vinna skiptir Landsvirkjun miklu máli þar sem það er metnaður fyrirtækisins að mannvirki þess og umhverfi sómi sér vel og nýtist almenningi sem best.

Umsóknarfrestur um sumarvinnu unglinga er frá áramótum til febrúarloka ár hvert.

Handbók sumarvinnu Landsvirkjunar >>

Senda grein