Landsvirkjun

Landsvirkjun selur tæplega 85% af orkuvinnslu sinni til orkufreks iðnaðar en rúmlega 15% orkunnar er seld til almennings og inn á kerfi Landsnets. Landsvirkjun stendur frammi fyrir fjölbreyttum tækifærum bæði hvað varðar nýjar vörur og sókn á nýja markaði, til dæmis á sviði kísilmálms og gagnavera.

Landsvirkjun leggur áherslu á samfélagsábyrgð í rekstri fyrirtækisins. Með það fyrir augum að hvetja samstarfsaðila og viðskiptavini til hins sama, hefur Landsvirkjun sett sérstaka stefnu varðandi heilindi í viðskiptum sem finna má hér. Vægi heilinda í virðiskeðjunni

Iðnaður

Landsvirkjun hefur síðan 1965 lagt áherslu á uppbyggingu langtímaviðskiptasambanda og boðið viðskiptavinum sínum verðmætaskapandi orkulausnir með það að markmiði að tryggja samkeppnishæfni þeirra og auðvelda stækkun fyrirtækja á gagnkvæmt verðmætaskapandi forsendum.

Sölufyrirtæki

Landsvirkjun selur orku til opinberra þjónustufyrirtækja og býður eins til þriggja ára samninga á samkeppnishæfu orkuverði. Samningarnir geta t.d. verið á föstu eða breytilegu einingaverði meðan samningurinn er í gildi, bæði fyrir orku og afl. Aflverð er endurskoðað á hverju ári og samningar lengri en til eins árs eru neytandaverðtryggðir.

Gagnaver

Landsvirkjun býður hagkvæmar orkulausnir fyrir gagnaversiðnaðinn. Fyrirtækið býður samkeppnishæf orkuverð til lengri tíma, áreiðanlega orkuvinnslu og 100% endurnýjanlega orku. Fyrirtækið býður fimm til tólf ára orkusamninga og samkeppnishæft umsamið markaðsverð. Í nýjum verkefnum koma til greina lengri samningar og aukinn orkuafsláttur fyrstu ár samnings.