Ársskýrslan okkar er komin út, á slóðinni landsvirkjun.is/arsskyrslur/arsskyrsla-2021. Þar kemur meðal annars fram að:
- Kolefnisspor fyrirtækisins var einungis 1,2 grömm koldíoxíðgilda á kílóvattstund
- Losun nam einungis 3,6 grömmum á sama mælikvarða, en til að teljast græn þarf orkuvinnsla að vera undir 100 grömmum
- Rekstrartekjur náðu sögulegum hæðum og viðsnúningur varð í rekstrarumhverfi eftir lægð árið áður vegna COVID-19 faraldursins
- Tímamót urðu þegar skuldahlutföll urðu sambærileg við sömu mælikvarða hjá systurfyrirtækjum á Norðurlöndum
- Samkeppnishæfni Íslands hefur styrkst með miklum sveiflum á erlendum orku- og afurðamörkuðum
- Kröftug viðskiptaþróun og nýsköpun á sér stað í grænum orkusæknum iðnaði
- Samfélagsleg samstarfsverkefni um orkutengda nýsköpun ganga vel
- Með nýju sviði umhverfis og samfélags leggur Landsvirkjun aukna áherslu á málaflokkana
Ársskýrslan er gefin út í samræmi við alþjóðastaðalinn GRI, Global Reporting Initiative. Hún er nú sameinuð loftslagsbókhaldi og sjálfbærniskýrslu, sem komið hafa út í sérstökum skjölum síðustu ár.