Vegferð til framtíðar
Landsvirkjun fékk í gær viðurkenningu Jafnvægisvogarinnar, sem Félag kvenna í atvinnulífinu (FKA) veitir.
Hörður Arnarson forstjóri tók við viðurkenningunni, sem var veitt á stafrænu ráðstefnunni Jafnrétti er ákvörðun.
Þar kynnti Eliza Reid viðurkenningarhafa, en það eru þeir þátttakendur sem hafa náð markmiði um 40/60 kynjahlutfall í efsta lagi stjórnendalagi. Níu sitja í framkvæmdastjórn Landsvirkjunar, þar af fjórar konur.
Hörður Arnarson forstjóri:
„Við hjá Landsvirkjun erum afar stolt af því að fá viðurkenningu Jafnvægisvogarinnar. Við höfum sett okkur metnaðarfulla stefnu í jafnréttismálum og málaflokkurinn hefur verið í forgangi hjá okkur undanfarin ár. Þó er mikilvægt að hafa í huga að starf okkar í jafnréttismálum er ekki átak, heldur vegferð til framtíðar.“
Að hreyfiaflsverkefninu standa, auk FKA: forsætisráðuneytið, Sjóvá, Deloitte, Pipar\TBWA og Ríkisútvarpið.
