Innrennsli í miðlunarlón Landsvirkjunar í sumar hefur verið umfram meðaltal í öllum landshlutum.  Þann 30.júlí náði rennsli til Hálsóns 588 m³/sek, sem er þriðja hæsta dagsrennsli júlímánaðar frá gangsetningu Fljótsdalsstöðvar.

Heldur hefur dregið úr innrennsli vegna kuldakasts nú um mánaðarmótin en þó eru enn allar líkur á því að Hálslón fyllist í ágústmánuði.  Góðar líkur eru á fyllingu Blöndulóns í ágúst en ólíklegt er að Þórisvatn fyllist nú í haust.

Veðurfar og afrennsli jökla næstu vikna mun síðan ákvarða hvort og hvenær miðlunarlón fyllast. Hægt er að fylgjast með vatnshæð lóna daglega á vöktunarsíðu vefs Landsvirkjunar hér.

Fréttasafn Prenta