Landsvirkjun

Íslenska ríkið eignast hluti Landsvirkjunar í Farice og Neyðarlínunni

9. apríl 2019
Bjarni Benediktsson, fjármála- og efnahagsráðherra, og Hörður Arnarson forstjóri við undirritun samkomulagsins.

Landsvirkjun og íslenska ríkið hafa skrifað undir samkomulag um að Landsvirkjun framselji 33,2% eignarhlut í Farice ehf. og 7,9% eignarhlut í Neyðarlínunni ohf. til íslenska ríkisins. Matsverð eignarhlutar í Farice er um 9,2 milljónir evra og í Neyðarlínunni um  12,5 milljónir króna.

Farice var stofnað árið 2002 og rekur gagnastrengina Farice og Danice. Eftir framsalið verður Farice að fullu í eigu íslenska ríkisins. Neyðarlínan sér um rekstur neyðarnúmersins 112. Neyðarlínan sér einnig um rekstur Vaktstöðvar siglinga og fjarskiptastöðvarinnar í Gufunesi. Íslenska ríkið mun eftir framsalið eiga 81,5% í Neyðarlínunni.

Eignirnar og framsal þeirra hafa óveruleg áhrif á efnahag og rekstur Landsvirkjunar.

Fréttasafn Prenta