Í dag voru opnuð tilboð í þrjá verkþætti Kárahnjúkavirkjunar, gerð stöðvarhúss og neðanjarðarvirkis, stálfóðringar og lokabúnað og vél- og rafbúnað virkjunarinnar.

Landsvirkjun ráðgerir að reisa í áföngum allt að 90 MW jarðvarmavirkjun, Bjarnarflagsvirkjun, í Bjarnarflagi í Skútustaðahreppi í Suður-Þingeyjarsýslu. Hver áfangi yrði af stærðinni 20-40 MW.

Sunnlendingar láta ljós sitt skína í Ljósafossstöð á laugardaginn þegar opnuð verður myndlistarsýning þeirra Svandísar Egilsdóttur og Gunnars Arnar.

Héraðsdómur hefur sýknað Landsvirkjun og ríkið í máli Náttúruverndarsamtaka Íslands og fleiri sem kröfðust þess að úrskurður umhverfisráðherra um Kárahnjúkavirkjun yrði felldur úr gildi.

Landsvirkjun kynnir skýrslur um mat á umhverfisáhrifum virkjana í Þjórsá við Urriðafoss og Núp í opnu húsi í Brautarholti á Skeiðum, að Laugalandi í Holtum og í stjórnstöð Landsvirkjunar í Reykjavík.

Landsvirkjun ráðgerir að reisa í áföngum allt að 90 MW jarðvarmavirkjun, í Bjarnarflagi í Skútustaðahreppi í Suður-Þingeyjarsýslu. Hver áfangi yrði af stærðinni 20-40 MW. Á þessari síðu er hægt að kynna sér framkvæmdina og lesa drög að tillögu að matsáætlun hennar.

Tveggja daga ráðstefna um vetni og endurnýjanlega orkugjafa verður haldin í Reykjavík dagana 24. og 25. apríl

Árlegur samráðsfundur Landsvirkjunar var haldinn í dag. Á fundinum var Kárahnjúkavirkjun í miðpunkti. Kynntir voru ýmsir þættir framkvæmdarinnar og sýndar voru þrívíddarmyndir af fyrirhuguðum framkvæmdum.

Stjórn Landsvirkjunar hefur samþykkt að ganga til samninga við Saga Film vegna heimildaþátta sem gerðir verða um Kárahnjúkavirkjun.

Í deilum um Kárahnjúkavirkjun hefur nokkuð verið fjallað um jarðfræði svæðisins og hefur verið fullyrt að enn sé eldvirkni á svæðinu. Í Morgunblaðinu í dag fjalla jarðfræðingarnir Ágúst Guðmundsson og Jóhann Helgason um svæðið og er niðurstaða þeirra meðal annars að Kárahnjúkar geti ekki talist þróað eldfjall.

Landsvirkjun og ítalska verktakafyrirtækið Impregilo undirrituðu í dag samninga um byggingu Kárahnjúkastíflu og gerð aðrennslisganga virkjunarinnar.

Yfir þúsund manns fylgdust með undirituninni sem fór fram á Reyðarfirði á laugardaginn. Sjálf undirritunin tók um 40 mínútur enda voru samningarnir 14 talsins, sumir bæði á íslensku og ensku og skjölin alls 42.

Við leitum eftir samstarfi við félagasamtök, sveitarfélög og stofnanir sem ætla að vinna að verkefnum á sviði umhverfismála eða ferðamála í sumar.

Á árinu 2002 var hagnaður á rekstri Landsvirkjunar 5.729 milljónir króna, samanborið við 1.839 milljóna króna tap árið á undan.

Í lok janúar 2003 auglýsti Landsvirkjun eftir aðilum til að gera kvikmynd um Kárahnjúkaverkefnið.  Alls bárust 32 umsóknir. Fjölmargar voru afar vandaðar og valið erfitt.  Því miður reyndist nauðsynlegt að hafna mörgum hæfum umsækjendum. 

Landsvirkjun hefur að undanförnu skoðað úrskurð setts umhverfisráðherra um Norðlingaöldu með tilliti til arðsemi verkefnisins.

Að undangengnu forvali hafa sex fyrirtæki verið samþykkt til til að taka þátt í útboði fyrir vél- og rafbúnað Kárahnjúkavirkjunar.

Ítalska verktakafyrirtækið Impregilo, sem átti lægsta tilboð í gerð stíflumannvirki Kárahnjúkavirkjunar og aðrennslisgöng hennar, hefur nú opnað skrifstofu á Íslandi.

Nú er hægt að nálgast upplýsingar um miðlunarforða Landsvirkjuar og vatnshæðir í nokkrum miðlunarlónum hér á vef Landsvirkjunar.