Ársskýrsla Landsvirkjunar 2023 er komin út

Yfirlitssíðu ársskýrslunnar má sjá hér, en hún kemur einnig út á pdf-formi og er gefin út í samræmi við sjálfbærnistaðalinn GRI, enda er sjálfbærni kjarni í rekstri fyrirtækisins.

Í ársskýrslunni má meðal annars finna umfjöllun um:

• Afkomu ársins, sem var betri en nokkru sinni fyrr, en gerð er tillaga um 20 milljarða kr. arðgreiðslu í sameiginlega sjóði
• Umhverfisverðlaun Samtaka atvinnulífsins, sem við fengum afhent í nóvember
• Orkuþörf samfélagsins á næstu árum
• Þá virkjunarkosti sem eru næstir á dagskrá
• Losun okkar á gróðurhúsalofttegundum, sem er áfram á meðal þeirrar minnstu sem gerist í orkuvinnslu
• Setu Landsvirkjunar á lista Financial Times yfir þau evrópsku fyrirtæki sem minnkað hafa losun hvað mest
• Rafeldsneytisverkefni okkar með alþjóðlega fyrirtækinu Linde og íslensku fyrirtækjunum N1 og Olís
• Nýsköpunarverkefnin okkar; Orkídeu, Eimi, Bláma og Eygló
• Skýrslu dönsku ráðgjafarstofunnar Implement um tækifæri til bættrar orkunýtni á Íslandi

Óhætt er að segja að með lestri á ársskýrslu Landsvirkjunar megi öðlast greinargóða þekkingu á orkufyrirtæki þjóðarinnar.