Núgildandi fjárstýringarstefna var samþykkt af stjórn Landsvirkjunar í febrúar 2023.
Tilgangur gæðastefnunnar er að setja fram áherslur Landsvirkjunar í gæðamálum.
Landsvirkjun veitir framúrskarandi vöru og þjónustu, hlítir þeim kröfum sem gerðar eru til fyrirtækisins, skuldbindingum sem það hefur undirgengist og hefur stöðugar umbætur að leiðarljósi.
Landsvirkjun veitir framúrskarandi vöru og þjónustu af fullnægjandi gæðum í samræmi við kröfur og væntingar viðskiptavina. Fyrirtækið er í virkum samskiptum við viðskiptavini sína, leggur sig fram um að skilja starfsumhverfi þeirra og sýnir sveigjanleika í viðskiptum.
Til að tryggja gæði vöru og þjónustu Landsvirkjunar leggur fyrirtækið áherslu á að tryggja áreiðanleika eigin starfsemi með skilvirkni og öryggi að leiðarljósi. Fyrirtækið hlítir einnig öllum innri og ytri kröfum sem eru gerðar til þess og leggur kapp á stöðugar umbætur með kerfisbundinni rýni og endurmati á frammistöðu.