Nýting endurnýjanlegra auðlinda felur í sér inngrip í náttúruna sem óhjákvæmilega veldur raski á umhverfinu. Það er á okkar ábyrgð að lágmarka þetta rask eins og kostur er.
Í loftslags- og umhverfisstefnu Landsvirkjunar skilgreinum við áherslur okkar. Stefnan er leiðarvísir okkar að árangri.
„Landsvirkjun stuðlar að sjálfbærum heimi með umhverfislega sjálfbærri orkuvinnslu sem samræmist markmiðum heims um að halda hlýnun jarðar innan við 1,5°C.
Við berum virðingu fyrir náttúru landsins og ásýnd þess og vinnum stöðugt að því að bæta nýtingu auðlinda og koma í veg fyrir sóun. Við stöndum vörð um líffræðilega fjölbreytni með vistkerfisnálgun að leiðarljósi. Áhersla er lögð er á að þekkja umhverfisáhrif starfseminnar, að draga úr þeim og koma í veg fyrir umhverfisatvik.
Við tökum virkan þátt í alþjóðlegri baráttu gegn loftslagsvánni. Markvisst er unnið að því að draga úr losun gróðurhúsalofttegunda vegna starfseminnar, styðja við skuldbindingar Íslands um samdrátt í samfélagslosun og bregðast við þeim áskorunum og tækifærum sem loftslagsbreytingum fylgja.“
Loftslags- og umhverfisstefnunni fylgir aðgerðaáætlun sem inniheldur markmið, aðgerðir og mælikvarða. Þannig tryggjum við að stefnunni sé framfylgt.
Hér fyrir neðan gefur að líta mælikvarða loftslags- og umhverfisstefnunnar okkar, þróun þeirra síðustu fimm ár og stöðu við árslok 2025.
„Heimurinn stendur frammi fyrir fjölbreyttum áskorunum sem hafa áhrif á samfélög og lífríki jarðar. Landsvirkjun vill leggja sitt af mörkum til að styðja við skuldbindingar Íslands og alþjóðasamfélagsins.
Í loftslags- og umhverfisstefnu Landsvirkjunar setjum við fram áherslur okkar og þá vegvísa sem tryggja sífellt betri árangur.“
