Álverið á Reyðarfirði er stærsta álverið á Íslandi en framleiðslugeta þess er allt að 360.000 tonn af áli á ári. Álverið er einnig nýjasta álverið af þremur hér á landi en starfsemi þess hófst árið 2007.

Álverið á Grundartanga hóf starfsemi sína árið 1998 og var upphafleg framleiðslugeta um 60.000 tonn af áli á ári. Núverandi framleiðslugeta álversins er yfir 300.000 tonn af áli á ári.

Álverið í Straumsvík í Hafnarfirði hóf starfsemi árið 1969 og var upphafleg framleiðslugeta um 33.000 tonn af áli á ári. Núverandi framleiðslugeta álversins er 212.000 tonn af áli á ári.  

Kísiljárnverksmiðjan á Grundartanga hóf rekstur árið 1979 og var upphafleg framleiðslugeta hennar um 40.000 tonn af kísiljárni á ári. Núverandi framleiðslugeta verksmiðjunnar er um 120.000 tonn af kísiljárni á ári.

PCC BakkiSilicon hóf rekstur kísilmálmverksmiðju á Bakka við Húsavík árið 2018. Framleiðslugeta verksmiðjunnar er í dag um 35.000 tonn af kísilmálmi á ári.

AtNorth starfrækir þrjú gagnaver á Íslandi, á Fitjum í Reykjanesbæ, á Akureyri og í Hafnarfirði. Fyrirtækið samdi við Landsvirkjun um raforkukaup árið 2016. Viðskiptavinir atNorth eru alþjóðleg fyrirtæki og stofnanir.

Borealis Data Center rekur gagnaver á Blönduósi, í Reykjanesbæ og Reykjavík og er með starfsemi utan Íslands. Fyrirtækið hefur verið í viðskiptum við Landsvirkjun frá 2018. Borealis þjónustar fjölbreyttan hóp innlendra og alþjóðlegra viðskiptavina.

Gagnaver Verne Global er hið fyrsta sinnar tegundar á Íslandi með starfsemi að Ásbrú í Reykjanesbæ. Verne og Landsvirkjun gengu frá samningi um raforkukaup árið 2009. Viðskiptavinir Verne Global eru alþjóðleg fyrirtæki og stofnanir.

Laxey í Vestmannaeyjum þróar landeldi á Atlantshafslaxi, með áherslu á sjálfbæra framleiðslu. Fyrirtækið rekur fullbúna seiðaeldisstöð og matfiskastöð þar sem hrein orka og náttúrulega síaður sjór úr borholum tryggja hágæða framleiðslu. 

First Water og Landsvirkjun gengu frá raforkusamningi árið 2022. First Water sérhæfir sig í sjálfbæru landeldi á laxi í Þorlákshöfn. Árið 2023 framleiddi First Water um 700 tonn af laxi og árið 2024 jókst framleiðslan í 1.500 tonn en framtíðarplön gera ráð fyrir að ná 50.000 tonna árlegri framleiðslu.

TDK Foil Iceland hóf starfsemi aflþynnuverksmiðju á Akureyri árið 2009 og framleiðir verksmiðjan aflþynnur fyrir þétta í rafeindabúnað. Framleiðslugeta verksmiðjunnar er 2.200 tonn af aflþynnum á ári.

Atlantsorka ehf., dótturfélag Atlantsolíu ehf. var stofnað árið 2022 og selur rafmagn til heimila og fyrirtækja um allt land.

HS Orka var stofnað árið 1974. HS Orka selur rafmagn til heimila og fyrirtækja um allt land ásamt því að reka virkjanir til raforkuframleiðslu.

Landsnet hf. var stofnað á grundvelli raforkulaga sem samþykkt voru á Alþingi á vormánuðum 2003. Hlutverk fyrirtækisins er að annast flutning raforku og stjórnun raforkukerfisins.

N1 Rafmagn var stofnað árið 2017 og hét Íslensk orkumiðlun til ársins 2021. N1 Rafmagn selur rafmagn til heimila og fyrirtækja um allt land.

Orka heimilanna hóf starfsemi í ársbyrjun 2018 og selur rafmagn til heimila og fyrirtækja um allt land.

Orka náttúrunnar er dótturfélag Orkuveitu Reykjavíkur (OR) sem tók við framleiðslu og sölu á rafmagni OR árið 2014. Orka náttúrunnar framleiðir og selur rafmagn til heimila og fyrirtækja um allt land.

Orkubú Vestfjarða ohf. tók til starfa árið  2001 og er stofnað á grundvelli laga er samþykkt voru af Alþingi sama ár. Fyrirtækið selur raforku til heimila og fyrirtækja um allt land ásamt því að annast raforkuframleiðslu.

Orkusalan var stofnuð árið 2006 en formleg starfsemi hennar hófst í ársbyrjun 2007. Orkusalan er dótturfyrirtæki RARIK og er tilgangur þess fyrst og fremst að sjá um framleiðslu og sölu á raforku til heimila og fyrirtækja.

Rafhlaða orkumiðlun er fyrirtæki sem starfar á raforkumarkaði og sinnir orkumiðlun og raforkuviðskiptum.

Straumlind ehf. var stofnað árið 2020 og selur rafmagn til heimila og fyrirtækja um allt land.

Landsvirkjun selur um 85% af orkuvinnslu sinni til stórnotenda sem starfa í orkufrekum iðnaði; t.d. álvera, gagnavera og landeldis. Rúmlega 15% orkunnar eru seld á heildsölumarkaði, til sölufyrirtækja sem selja hana áfram í smásölu til heimila og smærri fyrirtækja.

Landsvirkjun selur raforku til stórnotenda annars vegar og í heildsölu til sölufyrirtækja rafmagns hins vegar. Fyrirtækið selur ekki raforku beint til heimila eða smærri fyrirtækja. 

Heildsöluviðskipti Landsvirkjunar fara að mestu leyti fram á skipulögðum raforkumörkuðum. Landsvirkjun tók fyrstu skref sín inn á slíkan markað í maí 2024, þegar fyrirtækið tók þátt í söluferlum Vonarskarðs.

Landsvirkjun selur um 85% af orkuvinnslu sinni til stórnotenda en rúmlega 15% orkunnar eru seld á heildsölumarkaði.

Fyrirtækið

Framkvæmdir

Orka

Umhverfi

Samfélag

Viðskipti

Fjármál

Viðskiptavinir Landsvirkjunar