Við skoðum nú ýmsa virkjunarkosti sem gætu mætt orkuþörf íslensks samfélags í framtíðinni. Við mat á þeim höfum við sjálfbæra þróun að leiðarljósi. Það þýðir að við horfum til hagkvæmni, framlags til samfélagsins og til hnattrænna umhverfismála. Við leitum allra leiða til að draga úr neikvæðum áhrifum á náttúru og samfélag.

Við hjá Landsvirkjun skoðum nú ýmsa virkjunarkosti sem gætu mætt orkuþörf íslensks samfélags í framtíðinni. 

Landsvirkjun hefur undanfarin ár haft til athugunar að reisa þrjár virkjanir til að nýta allt að 69 metra fall á núverandi veituleið Blönduvirkjunar, frá Blöndulóni að Gilsárlóni.

Horft til norðurs yfir farveg Blöndu neðan Blöndustíflu. Milli Þrístiklu sem sjá má til vinstri og Galtabóls fyrir miðri mynd liggur Kjalvegur.

Holtavirkjun er fyrirhuguð í neðri hluta Þjórsár og myndi nýta fall Þjórsár neðan Búrfellsstöðvar, milli fyrirhugaðra virkjana við Hvamm og Urriðafoss.

Horft til suðvesturs eftir Árneskvísl að fyrirhuguðu stöðvarhússtæði Holtavirkjunar.

Kjalölduveitu er ætlað að veita vatni úr farvegi efri hluta Þjórsár yfir í Kvíslaveitu sem fellur til Þórisvatns. 

Horft til suðvesturs niður eftir farvegi Þjórsár. Fyrirhugað Kjalöldulón yrði í farvegi árinnar á þessu svæði.

Skatastaðavirkjun í Skagafirði felur í sér að stífla Austari Jökulsá í Pollagili ofan ármóta við Geldingsá.

Lónstæði Bugslóns. Horft til austurs yfir ármót Strangalækjar og Austari-Jökulsár. Austurbugur á vinstri hönd.

Skrokkölduvirkjun myndi virkja fall milli tveggja lóna Landsvirkjunar, Hágöngulóns og Kvíslavatns.

Horft til norðausturs að Skrokköldu sem ber í Nyrðri-Hágöngu. Syðri-Háganga hægra megin á mynd.

Fyrirhuguð Urriðafossvirkjun nýtir fall í neðsta hluta Þjórsár. Inntakslón virkjunarinnar, Heiðarlón, verður myndað með stíflu í Þjórsá við Heiðartanga og stíflugörðum upp eftir vesturbakka árinnar.

Horft til suðurs, yfir fyrirhugað inntak og megin stíflu Urriðafossvirkjunar. Heiðartangi á miðri mynd.

Fyrirtækið

Orka

Umhverfi

Samfélag

Viðskipti

Fjármál

Fjölmiðlatorg

Virkjunarkostir