Komdu í heimsókn
Við bjóðum upp á áhugaverða heimsóknarmöguleika fyrir fólk á öllum aldri - stórskemmtilega orkusýningu í Ljósafossstöð og gestastofu í Kröflu sem veitir innsýn í vinnslu jarðvarma á Íslandi.
Orkusýningin í Ljósafossstöð er opin alla daga frá 10-17!
Gestastofan í Kröflu verður lokuð sumarið 2026 vegna framkvæmda við aflstöðina.
Orkusýning í Ljósafossstöð
Á gagnvirkri orkusýningu Landsvirkjunar í Ljósafossstöð geta gestir á öllum aldri skyggnst inn í undraverðan heim raforkunnar og leyst orku úr læðingi með eigin þyngd, styrk og afli.
Fjölbreytt og fræðandi sýningaratriði veita orkuboltum á öllum aldri tækifæri til að safna saman rafeindum, dæla úr lónum, fanga vindinn og lýsa upp heiminn á 120 árum.
Orkusýningin í Ljósafosstöð er opin alla daga í sumar frá 10-17.
Gestastofan í Kröflu
Gestastofan í Kröflu veitir gestum fræðandi innsýn í jarðfræði á svæðinu, hvernig vinna má raforku úr jarðvarma, sögu jarðvarmans á Íslandi og tækifærum sem tengjast honum.
Áhugaverð og fræðandi sýning sem veitir gestum innsýn inn í undraheim jarðvarmans.
Gestastofan í Kröflu er lokuð yfir veturinn og verður einnig lokuð sumarið 2026 vegna framkvæmda við aflstöðina.
