Samfélagsvöktun
Alþjóðleg þróun í sjálfbærnimálum hefur einkennst af aukinni áherslu á að fyrirtæki þekki áhrif sín á umhverfi og samfélag og vinni markvisst að því að stýra þeim áhrifum. Landsvirkjun hefur um árabil stundað umfangsmikla vöktun á náttúrufari og umhverfisáhrifum starfseminnar.
Sjálfbærniverkefnið á Austurlandi og Gaumur á Norðausturlandi, sem báðum er lokið, voru viðbót við þessa vöktun. Í þeim voru ekki aðeins skoðuð áhrif á umhverfi heldur einnig áhrif á samfélag og efnahag á þeim svæðum sem verkefnin náðu til.
Landsvirkjun vinnur nú að því að efla vöktun samfélagslegra áhrifa starfseminnar á öllum starfssvæðum sínum og setja fram upplýsingar um þau með sambærilegum hætti og gert er fyrir umhverfis- og náttúrufarsvöktun fyrirtækisins.
