Beint í efniLandsvirkjun

Komdu í heimsókn

Orkusýning í Ljósafossstöð

Það býr orka í öllu og hún breytir sífellt um form. Á sýningunni geta gestir leyst þessa orku úr læðingi með því að nota eigin þyngd, styrk og afl.

Það býr orka í öllu og hún breytir sífellt um form. Á sýningunni í Ljósafossstöð geta gestir leyst þessa orku úr læðingi með því að nota eigin þyngd, styrk og afl. Einnig kynnast því hvernig Landsvirkjun vinnur allt sitt rafmagn úr vatni, jarðvarma og vindi og virkjar þannig krafta náttúrunnar til að knýja allt frá snjallsímum og eldavélum til stórra álvera.

Fjölbreytt og fræðandi sýningaratriði veita orkuboltum á öllum aldri tækifæri til að safna saman rafeindum, dæla úr lónum, fanga vindinn og lýsa upp heiminn á 120 árum.

Við erum einnig með opið í gestastofu okkar í Kröflu og svo bjóðum við leiðsögn um Kárahnjúka, en stíflan við Hafrahvammagljúfur er hæsta grjótstífla í Evrópu og hægt er að keyra og ganga yfir hana.

Hafðu samband

Það er velkomið að hafa samband með því að senda tölvupóst á visit.us@landsvirkjun.is eða hringja í síma 896 7407.

Nánari upplýsingar um gestastofurnar okkar

  • Við höfum opnað gestastofuna í Ljósafossi, Orka til framtíðar. Ljósafossstöð er staðsett á Sogssvæðinu við Úlfljótsvatn og er í um 50 mínútna akstursfjarlægð frá Reykjavík og er opin alla daga frá 10-17 til 31. ágúst.

  • Landsvirkjun bíður uppá leiðsögn við Kárahnjúka í samstarfi við Vatnajökulsþjóðgarð í sumar, frá 24. júní til 21. ágúst, fimmtudaga og laugardaga milli kl. 13 og 16. Landverðir Vatnajökulsþjóðgarðs taka á móti gestum við bílastæðið við Kárahnjúkastíflu og bjóða upp á reglulega leiðsögn á hálftíma fresti (kynning á heilum og hálfum tíma) og segja gestum frá framkvæmdum og náttúrunni.

    Kárahnjúkavirkjun er stærsta vatnsaflsvirkjun landsins (690 MW). Stíflan við Hafrahvammagljúfur er hæsta grjótstífla í Evrópu og hægt að keyra og ganga yfir hana.

  • Gestastofan í Kröflu er opin í sumar til 31. ágúst, alla daga frá 10-17.