Beint í efniLandsvirkjun

Áhættustefna

Núgildandi áhættustefna var samþykkt af stjórn Landsvirkjunar í mars 2026.

Tilgangur áhættustefnu

Áhættustefna Landsvirkjunar setur ramma og meginreglur um hvernig fyrirtækið vinnur með áhættu. Hún skýrir ábyrgð og áherslur og styður við samræmda og markvissa nálgun við mat og meðhöndlun áhættu í starfsemi og ákvarðanatöku.

Áhættustefna Landsvirkjunar

Áhættustýring er hluti af daglegum rekstri Landsvirkjunar og samofin allri starfsemi fyrirtækisins. Hún styður við upplýstar ákvarðanir, vernd eigna og ábyrgan og stöðugan rekstur.

Með markvissri áhættustýringu vinnur Landsvirkjun að því að draga úr neikvæðum áhrifum, nýta tækifæri og ná markmiðum sínum til skemmri og lengri tíma.

Áhersla er lögð á að:

  • ná settum markmiðum og fylgja stefnum og áætlunum
  • vernda eignir fyrirtækisins með viðunandi hætti
  • koma í veg fyrir alvarleg slys á fólki
  • tryggja rekstur án umhverfisatvika
  • starfa í samræmi við reglur, verklag og lög sem gilda um starfsemina

Áhættustefnan á PDF