Hvammsvirkjun

Í dag, mánudaginn 6. júlí, á milli kl. 14 og 18 má búast við forskurðarsprengingu (presplit) á framkvæmdasvæði Hvammsvirkjunar. Sprengingin er hluti af jarðvinnu á svæðinu og fer fram vegna forskurðar í bergi, þar sem skurður er mótaður áður en frekari jarðvinna fer fram.

Búast má við fleiri sprengingum á framkvæmdasvæðinu á næstu vikum eftir því sem vinnu miðar áfram.

Framkvæmdir ganga vel í útboðsverkinu HVM12, þar sem Fossvélar og Suðurverk vinna að greftri og jarðvinnu vegna Hvammsvirkjunar.

Verkið felst meðal annars í því að undirbúa svæði fyrir mannvirki virkjunarinnar og koma jarðefnum fyrir á viðeigandi stöðum innan framkvæmdasvæðisins. Um er að ræða mikilvægan hluta undirbúningsins áður en næstu áfangar framkvæmda taka við.

Góð samvinna hefur verið á milli verkkaupa og verktaka og hefur það stutt við framgang verksins. Gert er ráð fyrir að verkinu ljúki á þessu ári.

Öryggisúttekt á vinnubúðum við Hvammsvirkjun er lokið og hófst uppsetning á búnaði í kjölfarið. Unnið er áfram að frágangi á svæðinu í kringum vinnubúðirnar og stefnt er að því að þeirri vinnu verði lokið fyrir júlí.

Vegna jarðvinnu við undirbúning Hvammsvirkjunar má á næstunni reikna með sprengingum á framkvæmdasvæðinu. Búast má við sprengingum reglulega í sumar, að jafnaði á tímabilinu kl. 10:00–20:00. Vinna getur farið fram alla daga vikunnar, en sprengingar um helgar verða takmarkaðar eins og kostur er. Landsvirkjun biðst velvirðingar á ónæði sem sprengingarnar kunna að valda. Frekari tilkynningar verða birtar þegar forskurðarsprengingar hefjast, þar sem þær eru háværari en hefðbundnar sprengingar.

Þriðjudaginn 3. mars kl. 14:00 voru opnuð tilboð í útboði nr. 2025-56 HVM12 Gröftur og jarðvinna. Samanburðarverð í íslenskum krónum eru:

1. Fossvélar ehf. og Suðurverk hf: kr. 896.221.410
2. Borgarverk ehf: kr. 982.533.943
3. Ístak hf: kr. 1.128.022.587
4. Þjótandi ehf: kr. 1.147.102.000
5. Óskatak ehf: kr. 1.470.293.050
6. Þróttur ehf: kr. 1.498.509.360

Kostnaðaráætlun verkþátta: kr. 1.404.703.952.

Allar fjárhæðir eru birtar án virðisaukaskatts. Tilboðsfjárhæðir eru birtar með fyrirvara um villur.

Sveitarstjórn Rangárþings ytra fjallaði á aukafundi sínum í morgun um umsókn Landsvirkjunar um framkvæmdaleyfi fyrir Hvammsvirkjun, og samþykkti þar fyrri afgreiðslur nefnda sveitarfélagsins. Í kjölfarið var skipulagsfulltrúa falið að gefa út framkvæmdaleyfi.

Uppsetning vinnubúða vegna Hvammsvirkjunar er komin vel á veg. Fyrstu einingarnar komu á verkstað um miðjan október 2025 og síðan þá hefur verið unnið markvisst að samsetningu eininga og frágangi að innan.

Á síðustu vikum hefur áherslan einkum verið á innanhússfrágang, m.a. loftakerfi og lagnir, gólfefni og uppsetningu búnaðar. Á myndunum má sjá að rými eru að verða tilbúin til lokafrágangs og innréttinga, þar á meðal sameiginleg rými og aðstaða sem tengist daglegum rekstri búðanna.

Vinnubúðirnar verða tímabundin aðstaða sem styður við framkvæmdirnar. Í þeim verður gistirými fyrir allt að 32 starfsmenn auk skrifstofurýmis, mötuneytis, heilsuræktar og heilsugæslu.

Hér má sjá Birgi Leó Ólafsson, staðarverkfræðing, og Þórarin Þór Magnússon, verkefnastjóra, þar sem þeir fara yfir framvinduna og næstu skref í frágangi.

Vísir fjallaði um að Landsvirkjun vonist til að fá endanlegt framkvæmdaleyfi fyrir Hvammsvirkjun í febrúar og að allir verkþættir virkjunarinnar verði boðnir út á árinu, jarðvinna vegna stöðvarhúss og stíflustæða er þegar í útboði. Í umfjölluninni var rætt við Ásbjörgu Kristinsdóttur, framkvæmdastjóra framkvæmda, sem einnig hélt erindi fyrir hönd Landsvirkjunar á Útboðsþingi Samtaka iðnaðarins 2026.

Verkið HVM12 - Gröftur og jarðvinna hefur verið auglýst á útboðsvef Landvirkjunar. Verkið snýst um að grafa upp allt laust efni á svæðum virkjunarinnar þar sem til stendur að byggja steypt mannvirki og að hluta til stíflur. Auk þess skal grafa upp fast efni (bergskering) úr rennslisskurðum geiralokuflóðgátta. Í verkinu felst einnig haugsetning á uppgröfnu efni, nýting á uppgröfnu efni í plön og slóða ásamt flokkun á grjóti.

Verktaki Landsvirkjunar, sem annast undirbúningsframkvæmdir fyrir Hvammsvirkjun, hefur hætt næturvöktum við efnisvinnslu á svæðinu. Framkvæmdum verður framvegis hagað samkvæmt fyrra vaktafyrirkomulagi og unnið á hefðbundnum tíma yfir daginn. Flestir starfsmenn vinna 10 daga í senn og taka 4 daga frí á móti.

Við þökkum íbúum í nærsamfélaginu fyrir góðan skilning og samstarf á meðan á næturvöktunum stóð.

Verktaki Landsvirkjunar, sem annast undirbúningsframkvæmdir fyrir Hvammsvirkjun, hefur hafið næturvaktir við efnisvinnslu á svæðinu. Um er að ræða eina gröfu, tvo brjóta og hjólaskóflu sem verða við störf yfir nóttina. Ekki verður keyrt á trukkum né unnið í frárennslisskurði á næturvöktum.

Helstu hugsanleg áhrif á nærsamfélagið gætu verið ljósgangur frá vinnusvæðinu og hljóð frá bakkflautum vinnuvéla, en brjótarnir ganga nú fyrir rafmagni og eru því mun hljóðlátari en áður.

Vinnunni verður hagað eins og kostur er til að draga úr ónæði fyrir íbúa í nágrenninu.

Mánudaginn 10. nóvember og þriðjudaginn 11. nóvember er fyrirhugað að sprengja "presplit" milli kl. 12:00 og 16:30. „Presplit“- sprenging er kraftmikil og getur verið hávær. Við biðjumst velvirðingar á því ónæði sem sprengingin getur valdið.

Föstudaginn 7. nóvember er fyrirhugað að sprengja "presplit" milli kl. 12:00 og 16:30. „Presplit“- sprenging er kraftmikil og getur verið hávær. Við biðjumst velvirðingar á því ónæði sem sprengingin getur valdið.

Fimmtudaginn 6. nóvember er fyrirhugað að sprengja "presplit" milli kl. 12:00 og 16:30. „Presplit“- sprenging er kraftmikil og getur verið hávær. Við biðjumst velvirðingar á því ónæði sem sprengingin getur valdið.

Með úrskurði þann 28. október hafnaði Úrskurðarnefnd umhverfis- og auðlindamála kröfu um ógildingu ákvörðunar Umhverfis- og orkustofnunar frá 11. ágúst - bráðabirgðaleyfið stendur því óhaggað. Leyfið heimilar m.a. uppsetningu vinnubúða og vegagerð innan framkvæmdasvæðis án áhrifa á vatnshlot, og gildir í allt að sex mánuði, til 11. janúar 2026.

Þriðjudaginn 28. október er fyrirhugað að sprengja "presplit" milli kl. 12:00 og 16:30. „Presplit“- sprenging er kraftmikil og getur verið hávær. Við biðjumst velvirðingar á því ónæði sem sprengingin getur valdið.

Föstudaginn 24. október er fyrirhugað að sprengja "presplit" milli kl. 12:00 og 16:30. „Presplit“- sprenging er kraftmikil og getur verið hávær. Við biðjumst velvirðingar á því ónæði sem sprengingin getur valdið.

Miðvikudaginn 22. október er fyrirhugað að sprengja "presplit" milli kl. 12:00 og 16:30. „Presplit“- sprenging, er kraftmikil og getur verið hávær. Við biðjumst velvirðingar á því ónæði sem sprengingin getur valdið.

Fimmtudaginn 16. október er fyrirhugað að sprengja "presplit" milli kl. 12:00 og 16:30. „Presplit“- sprenging, er kraftmikil og getur verið hávær. Við biðjumst velvirðingar á því ónæði sem sprengingin getur valdið.

Mánudaginn 13. október er fyrirhugað að sprengja "presplit" milli kl. 12:00 og 16:30. „Presplit“- sprenging, er kraftmikil og getur verið hávær. Við biðjumst velvirðingar á því ónæði sem sprengingin getur valdið.

Laugardaginn 11. október er fyrirhugað að sprengja "presplit" milli kl. 12:00 og 16:30. „Presplit“- sprenging, er kraftmikil og getur verið hávær. Við biðjumst velvirðingar á því ónæði sem sprengingin getur valdið.

Fimmtudaginn 9. október er fyrirhugað að sprengja "presplit" milli kl. 12:00 og 16:30. „Presplit“- sprenging, er kraftmikil og getur verið hávær. Við biðjumst velvirðingar á því ónæði sem sprengingin getur valdið.

Mánudaginn 6. október er fyrirhugað að sprengja "presplit" milli kl. 12:00 og 16:30. „Presplit“- sprenging, er kraftmikil og getur verið hávær. Við biðjumst velvirðingar á því ónæði sem sprengingin getur valdið.

Föstudaginn 3. október er fyrirhugað að sprengja "presplit" milli kl. 12:00 og 16:30. „Presplit“- sprenging, er kraftmikil og getur verið hávær. Við biðjumst velvirðingar á því ónæði sem sprengingin getur valdið.

Þriðjudaginn 30. september er fyrirhugað að sprengja "presplit" milli kl. 12:00-16:30. „Presplit“- sprenging, er kraftmikil og getur verið hávær. Við biðjumst velvirðingar á því ónæði sem sprengingin getur valdið.

Þriðjudaginn 23. september er fyrirhugað að sprengja "presplit" milli kl. 12:00-16:30. „Presplit“- sprenging, er kraftmikil og getur verið hávær. Við biðjumst velvirðingar á því ónæði sem sprengingin getur valdið.

Landsvirkjun vill koma eftirfarandi á framfæri:

Fimmtudaginn 18. september er fyrirhugað að sprengja "presplit" milli kl. 12:00-16:30. „Presplit“- sprenging, er kraftmikil og hávær. Við biðjumst velvirðingar á því ónæði sem sprengingin getur valdið.

Úrskurðarnefnd umhverfis- og auðlindamála hefur hafnað kröfu um stöðvun framkvæmda við Hvammsvirkjun.

Krafan var lögð fram af náttúruverndarsamtökum sem kærðu þá ákvörðun Rangárþings ytra að veita Landsvirkjun framkvæmdaleyfi fyrir undirbúningsframkvæmdum við Hvammsvirkjun. Kærendur vilja að sú ákvörðun verði felld úr gildi og mun úrskurðarnefndin taka efnislega afstöðu til þeirrar kröfu í komandi úrskurði. Að þessu sinni laut málið eingöngu að kröfunni um stöðvun framkvæmda.

Landsvirkjun vill koma því á framfæri að næsta sprenging í Hvammi er áætluð mánudaginn 15. september. Engar sprengingar verða því meðan á fjallskilum og réttum stendur nú um helgina í Skeiða- og Gnúpverjahreppi.

Um leið og við miðlum þessum upplýsingum viljum við óska öllum sem standa í fjallskilum og réttum í Skeiða- og Gnúpverjahreppi góðs gengis í þessum mikilvægu haustverkum.

Mánudaginn 1. september er fyrirhugað að sprengja "presplit" milli kl. 12-16. „Presplit“- sprenging, er kraftmikil og hávær. Við biðjumst velvirðingar á því ónæði sem þessar óhjákvæmilegu sprengingar geta valdið.

Miðvikudaginn 27. ágúst er fyrirhugað að sprengja "presplit" milli kl. 12-16. „Presplit“- sprenging, er kraftmikil og hávær. Við biðjumst velvirðingar á því ónæði sem þessar óhjákvæmilegu sprengingar geta valdið.

Á morgun, sunnudaginn 24. ágúst, er fyrirhugað að sprengja "presplit" milli kl. 12-16. „Presplit“- sprenging er kraftmikil og hávær.

Í dag veitti Umhverfis-og orkustofnun Landsvirkjun virkjunarleyfi til bráðabirgða vegna undirbúningsframkvæmda við Hvammsvirkjun. Leyfið tekur til þeirra undirbúningsframkvæmda sem þegar voru hafnar og gildir í sex mánuði frá útgáfu.

Úrskurðarnefnd umhverfis- og auðlindamála sendi í dag frá sér bráðabirgðaúrskurð um stöðvun hluta undirbúningsframkvæmda við Hvammsvirkjun.

Í dag, mánudag, verða sprengingar frá kl. 12-16:30.

Þetta er sprenging af þeirri tegund sem er háværari.

Engar sprengingar verða á svæðinu það sem eftir er vikunnar. Minni háttar sprengingar eru fyrirhugaðar virka daga 21.-25. júlí, á tímabilinu frá kl. 8 til 19. Þær heyrast ekki utan svæðis. Hljóð frá sambærilegri sprengingu miðvikudaginn 16. júlí mældist 59 desibel í 360 metra fjarlægð frá sprengistað. Á sama tíma greindist vindgnauð á staðnum 56 desibel.

Við munum láta vita sérstaklega þegar sprengingarnar eru stærri og hávaðasamari. Slíkar sprengingar eru miklu færri en smásprengingarnar, en heyrast að sama skapi lengra.

Vegna jarðvegsvinnu á framkvæmdasvæði Hvammsvirkjunar hefur þurft að sprengja undanfarið. Þær sprengingar munu halda áfram á næstunni, en við reynum að upplýsa um þær eins og kostur er. Sprengingarnar eru misöflugar, en íbúar í nágrenninu ættu ekki að verða mikið varir við þær sem næstar eru á áætlun:

Þriðjudaginn 15. júlí má búast við sprengingum á tímabilinu frá kl. 15:30 til 18.

Miðvikudaginn 16. júlí verða einnig sprengingar á tímabilinu frá kl. 11 til kl. 13.

UPPFÆRT: Engar sprengingar verða þriðjudaginn 15. júlí. Áætlanir fyrir 16. júlí eru óbreyttar.

Vegna framkvæmda hefur reiðleið um norðanverðan hluta Skarðsfjalls verið lokað. Lokunin er nauðsynleg vegna jarðvinnu og mannvirkjagerðar á framkvæmdasvæði virkjunarinnar og er ætlað að tryggja öryggi bæði vegfarenda og starfsfólks á svæðinu.

Reiðleiðin, sem um árabil hefur verið nýtt af hestamönnum og öðrum ferðalöngum, liggur nú í gegnum svæði þar sem framkvæmdir eru í fullum gangi. Af öryggisástæðum er því óhjákvæmilegt að loka leiðinni tímabundið á meðan á framkvæmdum stendur.

Á meðan lokunin varir er umferð ríðandi fólks úr suðri beint um land Hvamms 3 og þaðan með Hvammsvegi að Landvegi. Hjáleiðin er merkt og aðgengileg og hentar hestum og reiðfólki. Ferðafólki er eindregið bent á að fylgja leiðbeiningum og virða allar merkingar og öryggisskilti á svæðinu.

Sérstök ábending er hér með gefin til þeirra sem koma úr norðri um Skarfanes, að viðkomandi reiðleið inn á Skarðsfjall er nú lokuð. Því gæti verið nauðsynlegt að velja aðra leið, enda ekki fært áfram inn í virkjanasvæðið frá þeirri stefnu á meðan lokunin er í gildi.

Í nánu samstarfi við hagaðila

Lokunin verður í gildi á meðan framkvæmdir á tilgreindu svæði standa yfir. Landsvirkjun mun upplýsa um opnun leiðarinnar með góðum fyrirvara, þegar aðstæður leyfa og öryggi er tryggt. Unnið er í nánu samstarfi við sveitarfélög, landeigendur og hestamannafélög í nágrenninu með það að markmiði að lágmarka röskun á hefðbundinni umferð og útivist.

Landsvirkjun biðst forláts á þeim óþægindum sem lokunin kann að valda og þakkar sýndan skilning og gott samstarf við alla hlutaðeigandi.

Landsvirkjun og Stólpi hafa skrifað undir samning um gerð vinnubúða við Hvammsvirkjun.

Verkið felur í sér smíði á færanlegum vinnubúðaeiningum og undirstöðum, flutningi, uppsetningu og frágangi á einingum og undirstöðum, ásamt lagningu og tengingu lagna frá vinnubúðaeiningunum að tengipunktum veitustofna á svæðinu.

Í þessum áfanga verða reistar svefneiningar fyrir 32 manns, aðstaða fyrir heilsugæslu, mötuneyti, skrifstofu og heilsurækt. Vinnubúðirnar verða í landi Hvamms 3 við Hvammsveg í Rangárþingi ytra. Unnið hefur verið að undirbúningi við innviði á svæðinu undanfarið.

Vegna jarðvegsvinnu við undirbúning Hvammsvirkjunar má reikna með að verktakar þurfi á næstunni að sprengja berg á svæðinu. Búast má við að einhverjar sprengingar verði flesta daga í sumar, á bilinu frá kl. 8 á morgnana til kl. 19 á daginn. Sprengingar um helgar verða takmarkaðar eins og unnt er.

Framkvæmdaleyfi sveitarfélaga nær til undirbúningsverkefna af þessu tagi. Ekki verður hafist handa við neina vinnu í árfarveginum fyrr en niðurstaða fæst í dómsmáli um virkjunarleyfi.

Við biðjumst velvirðingar á því ónæði sem þessar óhjákvæmilegu sprengingar geta valdið og munum kappkosta að láta íbúa í nágrenni framkvæmdanna vita af þeim fyrirfram, eftir því sem kostur er.

Morgunblaðið rakti stöðu útboðsmála vegna Hvammsvirkjunar í frétt í blaðinu sl. laugardag og vísaði þar til upplýsinga frá Ólöfu Rós Káradóttur, yfirverkefnastjóra virkjunarinnar.

Vísir.is fjallaði nýverið um fundina tvo sem við héldum á Suðurlandi í síðustu viku til að kynna fyrirhugað útboð vegna gistingar á svæðinu.

Landsvirkjun þarf að útvega starfsfólki sínu og verktökum gistingu á næstu misserum og árum, í tengslum við miklar framkvæmdir á starfssvæði okkar við Búrfell. Þess vegna auglýsum við nú útboð á gistiþjónustu og boðum til kynningarfunda í Árnesi og Stracta miðvikudaginn 29. janúar.

Héraðsdómur Reykjavíkur úrskurðaði í dag að virkjunarleyfi Hvammsvirkjunar skyldi fellt úr gildi. Dómarinn telur að Umhverfisstofnun hafi skort lagastoð til að heimila breytingu á vatnshloti og því geti virkjunarleyfið ekki staðið.

Á dögunum var sett upp rafdreifistöð á vinnubúðasvæðið við Hvamm - í köldu en fallegu veðri.

Hreinn Hjartarson verkefnisstjóri hjá nýframkvæmdum var með drónann á lofti og smellti af:

Það er óhætt að mæla með lestri greinarinnar hér fyrir neðan. Hún birtist í fjölmiðlum í vikunni, en í henni er farið yfir allar framkvæmdir sem framundan eru hjá okkur á Suðurlandi.

Þar kemur meðal annars fram að þegar mest verður að gera í Hvammsvirkjun, Búrfellslundi og Sigöldu verða 650 manns á verkstað!

Landsvirkjun og Vegagerðin héldu kynningarfundi fyrir íbúa Rangárþings ytra og Skeiða- og Gnúpverjahrepps síðastliðinn þriðjudag og miðvikudag. Þar sögðu fulltrúar Landsvirkjunar og Vegagerðarinnar frá framkvæmdum sem framundan eru í tengslum við byggingu Hvammsvirkjunar og Búrfellslundar við Vaðöldu. Fundirnir voru vel sóttir og margt skrafað í kaffispjalli eftir þá.

Á þessu ári hefur verið unnið við ýmsar verklegar framkvæmdir vegna undirbúnings Hvammsvirkjunar. Sigurður Óli Guðmundsson, verkefnisstjóri hjá Nýframkvæmdum, fer yfir það helsta:

Hér fyrir neðan er hægt að horfa á fróðlegt erindi sem Ásbjörg Kristinsdóttir, framkvæmdastjóri Framkvæmda, hélt á haustfundi Landsvirkjunar 30. október 2024.

Þar var farið yfir aðdraganda, umfang og skipulag þeirra viðamiklu framkvæmda sem fram undan eru næstu árin á Þjórsársvæði.

Við birtum ánægjuleg tíðindi nú rétt áðan á vefnum okkar - sjá frétt hér fyrir neðan:

Sveitarstjórn Rangárþings ytra samþykkti á fundi sínum í morgun að gefa út framkvæmdaleyfi fyrir Hvammsvirkjun. Skeiða- og Gnúpverjahreppur þarf einnig að samþykkja framkvæmdaleyfi, en vonir standa til að það verði innan skamms.

Nánar má lesa um afgreiðslu málsins í fundargerð fundarins.

Vegagerðin hefur unnið að endurbótum á núverandi Hvammsvegi í sumar og styttist í að ráðist verði í lagningu nýs Búðafossvegar og -brúar. Orkustofnun gaf út virkjunarleyfi fyrir Hvammsvirkjun 12. september 2024 og þá þarf aðeins að bíða framkvæmdaleyfis frá sveitarfélögunum tveimur, Rangárþingi ytra og Skeiða- og Gnúpverjahreppi. Þegar öll leyfi eru í höfn verða gerðar breytingar á Þjórsárdalsvegi og Gnúpverjavegi þar sem hluti þessara vega fer undir lónstæði en þessar framkvæmdir hefjast væntanlega ekki fyrr en síðsumars 2025.

Þegar öll leyfismál hafa klárast mun Landsvirkjun hefja ýmsar undirbúningsframkvæmdir. Gerður verður nýr aðkomuvegur í framhaldi af núverandi Hvammsvegi, það þarf að leggja grunn að vinnubúðum og leggja veitukerfi fyrir þær og framkvæmdasvæðið allt.

Einnig verður byrjað á frárennslisskurði en efni úr honum verður m.a. nýtt í vegagerð.

Orkustofnun gaf í dag út virkjunarleyfi fyrir Hvammsvirkjun í Þjórsá. Í kjölfarið sækir Landsvirkjun um framkvæmdaleyfi til bæði Rangárþings ytra og Skeiða- og Gnúpverjahrepps, en mannvirki tengd virkjuninni verða í báðum sveitarfélögunum. Enn er stefnt að því að Hvammsvirkjun taki til starfa fyrir árslok 2028.

Við vorum að setja inn nýjar tölvugerðar myndir af Hvammsvirkjun og helstu mannvirkjum, t.d. stöðvarhúsi, inntaki og flóðlokum inn á myndasíðuna okkar.

Þessa dagana stendur yfir tiltekt í húsunum í Hvammi 3. Eitt af stærri málum sem tiltekin eru í áhættumati verksins var fjarlæging asbests. Verktaki er með sérfræðinga á sínum snærum til að sinna þeirri vinnu. Alls voru um 680kg af asbesti í tveimur byggingum og hefur það verið fjarlægt og því verið fargað.

Niðurrif bygginga hefst í byrjun júní. Verklok eru 1. september á þessu ári.

Ýmsar framkvæmdir fara af stað í tengslum við Hvammsvirkjun í vor eða sumar að öllu óbreyttu. Vegagerðin hefst þá handa við endurbætur á núverandi Hvammsvegi og ráðist verður í lagningu nýs Búðafossvegar og -brúar þegar ljóst verður að leyfisferli fyrir virkjun er komið í höfn. Í þriðja lagi verða gerðar breytingar á Þjórsárdalsvegi og Gnúpverjavegi þar sem hluti þessara vega fer undir lónstæði en þær framkvæmdir hefjast væntanlega ekki fyrr en síðsumars 2025.

Undirbúningsframkvæmdir Landsvirkjunar vegna virkjunarinnar hefjast einnig í sumar ef öll leyfismál klárast. Gerður verður nýr aðkomuvegur í framhaldi af núverandi Hvammsvegi, það þarf að leggja grunn að vinnubúðum og leggja veitukerfi fyrir þær og framkvæmdasvæðið allt.

Einnig verður byrjað á frárennslisskurði til að hægt sé að nýta efni þaðan í vegagerð. Þessar framkvæmdir geta ekki hafist fyrr en framkvæmdaleyfi fyrir virkjun liggur fyrir, en þær gæti þurft að bjóða út fyrr, með tilheyrandi fyrirvörum.

Við erum tilbúin að hefjast handa og vonum að hverflarnir verði farnir að snúast í Hvammsvirkjun fyrir árslok 2028, samfélaginu öllu til heilla.