Arðgreiðslustefna

Í lögum um Landsvirkjun segir að arðgreiðslur fyrirtækisins skuli ákvarðaðar með hliðsjón af afkomu fyrirtækisins og fjárþörf um hagnaði frá fyrri árum. Almenn eigendastefna ríkisins leggur áherslu á að félög í eigu ríkisins horfi til langtímasjónarmiða um uppbyggingu og rekstur og tryggi fullnægjandi viðhald tekjumyndandi eigna. Eigendastefnan leggur einnig áherslu á að félög í eigu ríkisins skili viðunandi arðsemi, að þau greiði ríkissjóði eðlilegan arð af því eigin fé sem bundið er í félögunum og setji sér vel skilgreind markmið um fjárhagsskipan.

Arðgreiðslustefna gerir væntar arðgreiðslur Landsvirkjunar og áhrif þeirra á fjárhagslegan styrk fyrirtækisins fyrirsjáanlegar. Arðgreiðslustefnan er því mikilvægt í samskiptum við annars vegar eigandi fyrirtækisins og hins vegar lánveitendur og matsfyrirtæki vegna fjármögunar þess.

Stjórn Landsvirkjunar hefur arðgreiðslustefnu og stefnu um fjárhagsskipan til hliðsjónar þegar hún gerir tillögu til aðalfundar fyrirtækisins um arðgreiðslu.

Arðgreiðslustefna þessi segir til um hver árleg fjárhæð arðgreiðslu geti verið að ákveðnum skilyrðum uppfylltum. Stofn fyrir arðgreiðslu er handbært fé frá rekstri nýliðins rekstrarárs. Arðgreiðsla miðast við hlutfall (H) af stofni sem er breytilegt eftir fjárhæð fjárfestinga. Viðmiðið er fengið á eftirfarandi hátt:

Viðmið arðgreiðslu = Handbært fé frá rekstri x H

Gildi H er ákvarðað á eftirfarandi hátt:

H = 50% ef fjárhæð fjárfestinga næstu ára er að jafnaði há
H = 70% ef fjárhæð fjárfestinga næstu ára er að jafnaði lág

Við ákvörðun arðgreiðslu hvers árs skal stjórn horfa til rekstrarafkomu Landsvirkjunar, fjárfestingaþarfar til næstu ára og markmiða um að viðhalda traustri fjárhagsstöðu félagsins. Útgreiðsluhlutfall er breytilegt eftir umfangi fyrirhugaðra fjárfestinga, þannig að hlutfallið er lægra þegar fjárfestingarþörf er mikil en hærra þegar fjárfestingar eru minni og fjárhagsleg staða sterk. Arðgreiðslur skulu jafnframt taka mið af stefnu um fjármagnsskipan. Stjórn getur vikið frá stefnunni ef hún metur aðstæður með þeim hætti.