Jarðtæknirannsóknir á svæðinu
Fyrstu skrefin að framkvæmdum við vindorkuverið voru tekin í júní 2024. Þá hófust jarðtæknirannsóknir til að rannsaka jarðlög undir fyrirhuguðum vindmyllum, byggingum og vegi. Þeim lauk síðan í september 2024.
Í rannsóknunum fólust m.a. hátt í 30 kjarnaboranir, en einnig voru grafnar gryfjur í laus jarðlög við hvert vindmyllustæði. Þá var loftborað í vegstæði að fyrirhuguðum vindmyllum og í næsta nágrenni fyrirhugaðra mannvirkja, auk þess sem boraðar voru tvær vatnstökuholur innan svæðisins. Niðurstöður rannsóknanna veita mikilvægar upplýsingar fyrir endanlega hönnun mannvirkja.
