Beint í efniLandsvirkjun

Fjölnýtingarhús á Þeistareykjum

Bygging fyrsta hússins á fjölnýtingarlóð við Þeistareykjastöð markar upphaf uppbyggingar fyrir nýsköpunarfyrirtæki á svæðinu. Fyrirtækið GeoSilica verður fyrst til að hefja starfsemi í nýju fjölnýtingarhúsi á lóðinni.

Upphaf fjölnýtingar

Fyrsta húsið rís á fjölnýtingarlóð

Hluti lóðar milli skiljustöðvar og stöðvarhúss Þeistareykjastöðvar er svokölluð fjölnýtingarlóð þar sem Landsvirkjun hyggst styðja við ýmis nýsköpunarfyrirtæki þegar fram líða stundir. Fyrsta húsið verður 126 fermetra hús sem leigt verður til fyrirtækisins GeoSilica.

Í húsinu verður rúmgott framleiðslusvæði og rannsóknarstofa til efnagreininga, ásamt skrifstofu og góðri gestamóttöku, þaðan sem hægt verður að horfa yfir framleiðsluna og kynnast starfseminni nánar. Hönnun hússins tekur mið af byggingum í kring og fellur vel að þeim og umhverfinu.

  • Framkvæmdir hófust í lok apríl 2026
  • Stefnt er að því að starfsemi geti hafist sumarið 2026

  • Framkvæmdir hefjast í byrjun maí 2026

  • Vinna við þak í lok júní 2026

  • Fjölnýtingarhúsið í byrjun júlí 2026

GeoSilica hagnýtir jarðhitakísil

Vefur GeoSilica

Samstarf GeoSilica og Landsvirkjunar, sem samið var um í maí 2025, markar upphaf fjölnýtingar á Þeistareykjum til framtíðar. Samningurinn nær til leigu á húsinu, afhendingar auðlindastrauma og samstarfs til næstu ára. Með þessu leggur Landsvirkjun sitt af mörkum til nýsköpunar og skýtur fleiri stoðum undir nýtingu þeirra auðlinda sem fyrirtækinu er trúað fyrir.

Skrifað undir samstarfssamning í maí 2025. Ríkarður S. Ríkarðsson, þáv. framkvæmdastjóri Viðskiptaþróunar og nýsköpunar, Fida Abu Libdeh, framkvæmdastjóri GeoSilica og Bjarni Pálsson, framkvæmdastjóri Vinds og jarðvarma.
Skrifað undir samstarfssamning í maí 2025. Ríkarður S. Ríkarðsson, þáv. framkvæmdastjóri Viðskiptaþróunar og nýsköpunar, Fida Abu Libdeh, framkvæmdastjóri GeoSilica og Bjarni Pálsson, framkvæmdastjóri Vinds og jarðvarma.

GeoSilica framleiðir náttúruleg fæðubótarefni í vökvaformi til daglegrar inntöku og mun hagnýta kísil úr jarðhitavökva frá Þeistareykjastöð til framleiðslunnar. Kísill er eitt algengasta steinefni heims og finnst víðsvegar í náttúrunni.

„Starfsemi GeoSilica styður við bætta nýtingu auðlindastrauma Þeistareykjasvæðisins og mun leggja sterkan grunn að fjölnýtingu á svæðinu til framtíðar.“

Bjarni Pálsson

Framkvæmdastjóri Vinds og jarðvarma

Frá undirskrift samnings Landsvirkjunar og GeoSilica, f.v.: Steinunn Ósk Valsdóttir, Dóra Björk Þrándardóttir, Sigurbjörg Ásta Jónsdóttir, Steinunn Pálmadóttir, Ríkarður Ríkarðsson, Haraldur Hallgrímsson, Fida Abu Libdeh, Sólveig R. Gunnarsdóttir, Hjalti Páll Ingólfsson, Bjarni Pálsson, Vordís Eiríksdóttir, Bríet Ósk Magnúsdóttir og Alma Stefánsdóttir.

Spurt og svarað

  • Já. Landsvirkjun horfir til frekari uppbyggingar og stuðnings við nýsköpunarfyrirtæki á sviði fjölnýtingar jarðvarma á Þeistareykjum. GeoSilica verður fyrsta fyrirtækið af mörgum á lóðinni.

  • Jarðhitakísill er náttúrulega uppleystur í þeim jarðhitavökva sem er hagnýttur til raforkuframleiðslu Þeistareykjastöðvar.

  • Jarðhitakísill getur valdið útfellingum þegar hann kemur upp um borholur með jarðhitavökvanum og ferðast um vinnslurás jarðvarmastöðva. Öll orkufyrirtæki sem virkja jarðvarma hafa þurft að grípa til fjölbreyttra lausna við hönnun og rekstur aflstöðva sinna til að reyna að koma í veg fyrir að útfellingar kísils valdi vanda. Við höfum hingað til ekki tekið kíslinum fagnandi en hann kann að reynast auðlind sem skapar raunveruleg verðmæti og atvinnu.

  • Jarðhitavökvi inniheldur almennt mörg uppleyst steinefni. Eðli og magn þeirra er háð hverju jarðhitakerfi fyrir sig. Magn kísils í jarðhitavökva er því breytilegt milli jarðhitakerfa á Íslandi en algengur styrkur er um 700 ppm SiO2.