Framkvæmdir

Framkvæmdir 2026​

• Uppbygging innviða innan framkvæmdasvæðis heldur áfram; undirstöður, lagnaskurðir, safnstöð o.fl.
• Uppbygging Landvegar heldur áfram​. 13-14 km kafli endurbættur, bygging nýrrar brúar og sett á bundið slitlag​.
• Uppsetning, prófanir og gangsetning á fyrstu 14 vindmyllum hefjast.
• Framkvæmdir við þjónustuhús Vaðölduvers á Hellu hefjast.

Áhrif framkvæmda utan framkvæmdasvæðis​ árið 2026

• Flutningar á vindmyllum og búnaði frá Þorlákshöfn að Vaðölduveri standa yfir á vor- og sumarmánuðum.
• Framkvæmdir við þjónustuhús á Hellu.

Unnið að uppsetningu á fyrstu vindmyllunum í byrjun júní 2026

Framkvæmdir eru hafnar við byggingu þjónustuhúss fyrir Vaðölduver að Faxaflötum 2a á Hellu.

Húsið verður þjónustumiðstöð fyrir starfsemi tengda Vaðölduveri. Þar verður aðstaða fyrir starfsfólk Landsvirkjunar og vindmylluframleiðandans Enercon, sem sinnir þjónustu og viðhaldi vindmyllanna.

Þjónustuhúsið verður um 440 fermetrar og mun meðal annars hýsa skrifstofur, fundarherbergi, kaffiaðstöðu og bílskúr. Þá verður sérstök hjólageymsla á lóðinni.

Útsýnis- og áningarstaður hefur verið opnaður sunnan við Vaðölduver og Sprengisandsleið. Þar er aðstaða fyrir gesti sem vilja staldra við, kynna sér verkefnið og horfa yfir framkvæmdasvæðið.

Á staðnum eru bílastæði, stutt gönguleið að útsýnissvæði og upplýsingaskilti um Vaðölduver. Þaðan er gott útsýni yfir vindmyllurnar og framkvæmdirnar á svæðinu. Lögð hefur verið áhersla á vandaðan frágang og skýra upplýsingagjöf til þeirra sem eiga leið um svæðið.

Vaðölduver er enn virkt framkvæmdasvæði og því er mikilvægt að gestir fari varlega, virði merkingar og fylgi leiðbeiningum á svæðinu. Öllum er velkomið að koma við á útsýnis- og áningarstaðnum og kynna sér uppbyggingu fyrsta vindorkuvers Landsvirkjunar.