1 x Francis hverfill knýr orkuvinnsluna.

Búrfellsstöð II er neðanjarðarstöð, staðsett 300 metra inni í Sámsstaðaklifi. Hún var reist til að nýta framhjárennsli Búrfellsstöðvar, en stöðvarnar nota sama miðlunarlón, mannvirki og tengingar við orkukerfið. Stöðin vinnur 850 gígavattstundir á ári. Einn 100 megavatta hverfill er í stöðinni og er gert ráð fyrir í hönnun að síðar verði hægt að stækka hana með því að bæta við hverfli.  

Miðlunarlón Búrfellsstöðvar II er Bjarnalón, líkt og Búrfellsstöðvar hinar fyrri. Úr því liggur 370 metra langur aðrennslisskurður fram undir brún Sámsstaðaklifs að stöðvarinntaki. Frá stöðvarinntaki fellur vatnið niður um 110 metra löng fallgöng að túrbínu í stöðvarhúsi sem knýr rafalinn. Frá túrbínu er vatninu veitt úr stöðvarhúsinu um 450 metra löng frárennslisgöng og þaðan út í 2,2 kílómetra langan frárennslisskurð sem leiðir það út í Fossá, um kílómetra neðan við gömlu Búrfellsstöð. 

 Veitir aukinn sveigjanleika í rekstri

Á vatnasviði Þjórsár og Tungnaár eru sjö vatnsaflsstöðvar Búðarhálsstöð, Búrfellsstöð, Búrfellsstöð II, Hrauneyjafossstöð, Sigöldustöð, Sultartangastöð og Vatnsfellsstöð. Þar er einnig vindmyllusvæði sem kallast Hafið. Samanlagt afl vatnsaflsstöðvanna er 1040 megavött. Vatni til miðlunar er safnað í uppistöðulónin Þórisvatn, Hágöngulón og Kvíslaveitu. Að auki eru minni miðlunarmannvirki við hverja stöð á svæðinu, svo sem Krókslón, Sultartangalón, Bjarnalón, Hrauneyjalón og Vatnsfellslón.

Þórisvatn er stærsta stöðuvatn landsins, langstærsta miðlunin og mikilvægur hlekkur í veitukerfi Landsvirkjunar. Um Þórisvatn rennur allt vatn sem safnast saman í Kvíslarveitu og Hágöngumiðlun.

Þórisvatnsmiðlun var byggð á árunum 1970-1972 í tengslum við virkjun Þjórsár við Búrfell. Áin Kaldakvísl var stífluð við Sauðafell og veitt um skurð inn í norðanvert Þórisvatn. Við útfall Þórisvatns norðanmegin er Þórisóssstífla sem veitir Köldukvísl inn í vatnið.

Nýju útrennsli Þórisvatns var valinn staður við suðurenda vatnsins meðfram vesturhlíð Vatnsfells. Þar var grafinn veituskurður úr vatninu og steinsteypt lokuvirki byggt í skurðinum til að stjórna rennsli. Veitan er nefnd Vatnsfellsveita og um hana fer vatn úr Þórisvatni í gegnum Vatnsfellsvirkjun í Krókslón ofan Sigöldustöðvar og þaðan til annarra stöðva neðar á vatnasviðinu.

Framkvæmdir við Kvíslaveitu hófust 1980 og var skipt í fimm áfanga sem lauk árið 1997. Kvíslaveita er samheiti á stíflum, skurðum, botnrásum og lokuvirkjum sem stjórna rennsli úr þverám og efsta hluta Þjórsár í Þórisvatnsmiðlun. Lónin í Kvíslaveitu eru fimm talsins, samtals um 28 km2 að stærð.

Hágöngumiðlun var byggð 1997-1999 og er 37 km2 að stærð. Tilgangur hennar er að auka miðlun á vatnasviði Köldukvíslar. Á sumrin er vatni safnað í Hágöngulón og vegna þess rennur afar lítið vatn um Köldukvíslarfarveg að sumarlagi.

Búrfellsstöð II - Tímalína 2018

Sjöunda aflstöðin á Þjórsársvæðinu

Búrfellsstöð II var gangsett 2. júlí 2018 og er ein af sjö vatnsaflsstöðvunum okkar á Þjórsársvæðinu. Hún er staðsett 300 metra inn í Sámsstaðaklifi.

Hönnunarfallhæð	121,5 m
Afl véla, gerð	1 x 100, Francis MW

Vatnasvið	6.750 km²
Meðalrennsli	315 m³/s
Virkjað rennsli	92 m³/s

Flatarmál Bjarnalóns	1,18 km²
Miðlunarrými	1,7 Gl
Hæsta vatnsborð	247 m.y.s.
Lægsta vatnsborð	241 m.y.s.

Lengd	370 m
Botnhæð	232,5 m.y.s.

Þvermál	5,2 m
Lengd	110 m

Fyrirtækið

Framkvæmdir

Orka

Umhverfi

Samfélag

Viðskipti

Fjármál

Ítarupplýsingar

Aðrar aflstöðvar

Þeistareykjastöð

Búðarhálsstöð

Hafið

Fljótsdalsstöð

Vatnsfellsstöð

Sultartangastöð

Blöndustöð

Hrauneyjafossstöð

Sigöldustöð

Gröftur	1 milljón m³
Steinsteypa	26.000 m³
ECO steypa (umhverfisvæn steinsteypa)	195 m³

Framkvæmdaeftirlit	Landsvirkjun Mannvit
Hönnun mannvirkja	Verkís
Arkitekt	VA arkitektar
Landslagsarkitekt	Landark
Byggingaverktaki	ÍAV Marti Búrfell
Verktaki véla- og rafbúnaðar	Andritz Hydro, Þýskaland
Verktaki loka og stálfóðringa	DSD Noell, Þýskaland
Framleiðendur háspennustrengs	LS Cable, Suður Kóreu
Framleiðendur aflspenna	Efacec, Portúgal

Straumvölur
Þvermál	4,5 m
Hæð	110 m

Háspennustrengur
Lengd	2,7 km
Spenna	245 kV

Stöðvarhús
Hæð	33 m
Lengd	65 m
Breidd	15,35 m