Fljótsdalsstöð er stærsta aflstöðin okkar, en hún er 690 megavött að uppsettu afli og getur unnið 5.150 gígavattstundir af rafmagni á ári. Stöðvarhús Fljótsdalsstöðvar er staðsett neðanjarðar, inni í Valþjófsstaðafjalli og er aðkoma að því um sérstök 1000 metra löng aðkomugöng. 

Frá miðlunarlóni stöðvarinnar, Hálslóni, rennur vatnið um tæplega 40 kílómetra aðrennslisgöng að stöðinni, en samanlögð fallhæð vatnsins er rúmlega 600 metrar. Tveir þriðju hlutar þeirrar fallhæðar eru í 420 metra háum og nánast lóðréttum fallgöngum við stöðina. 

Í stöðvarhúsinu knýr vatnið sex öfluga hverfla og rennur svo um frárennslisgöng og skurð út í Jökulsá í Fljótsdal, austur undan Valþjófsstað, í 26 metra hæð yfir sjávarmáli.

Fljótsdalsstöð - aflmesta raforkustöð landsins

Vatnasvið Fljótsdalsstöðvar er afar víðfeðmt, eða um 2.236 km2 og lón stöðvarinnar eru mynduð með fimm stíflugörðum sem eru yfir fimm kílómetrar að lengd. Vatnið er leitt að hverflum Fljótsdalsstöðvar frá lónum á hálendinu norðan Vatnajökuls um jarðgöng sem eru samanlagt rúmlega 72 km eða sem svarar til tæplega 12 Hvalfjarðarganga.

Kárahnjúkastífla, efst í Hafrahvammagljúfrum (Dimmugljúfrum), er hæsta grjótstífla í Evrópu með steyptri þéttikápu og  meðal þeirra stærstu í heiminum af þessari gerð. Hún stíflar Jökulsá á Brú við Fremri Kárahnjúk og er langstærsta stíflan á svæðinu. Grjótið í stífluna var að mestu tekið úr námum innan lónsins skammt ofan við stífluna og lagt út í þjöppuðum lögum. Á byggingartíma var ánni veitt um hjáveitugöng undir stífluna á vesturbakkanum.

Austan við Kárahnjúkastíflu er minni stífla, Desjarárstífla, í drögum undir Fremri Kárahnjúki og í dalverpi að vestanverðu er Sauðárdalsstífla. Saman mynda þessar stíflur Hálslón sem er um 63 km2 að stærð og nær inn að Brúarjökli. Hálslón stækkaði frá 57 km2 við upphaf framkvæmda sem skýrist að mestu af hopun Brúarjökuls um 4,5 km frá árinu 2000. En mælingin er gerð við 80 cm yfirfall. 

Hálslón fyllist síðsumars. Þá er vatni veitt um yfirfall við vestari enda Kárahnjúkastíflu niður að gljúfurbarminum og þaðan steypist það í 90–100 m háum fossi, Hverfanda, niður í Hafrahvammagljúfur. Það er til marks um gríðarlegt afl fossins að hann getur orðið vatnsmeiri en Dettifoss.

Austan Snæfells eru tvö lón, annars vegar Ufsarlón sem nýtir vatn úr Jökulsá í Fljótsdal og hins vegar Kelduárlón sem nýtir vatn úr Kelduá og Grjótá. Vatnið úr Hálslóni er leitt um jarðgöng austur um Fljótsdalsheiði þar sem það mætir vatni í öðrum jarðgöngum frá Ufsarlóni. Þaðan rennur vatnið í einum göngum norðaustur að inntaki efst í Valþjófsstaðafjalli. Aðrennslisgöngin liggja á um 100-200 m dýpi undir heiðinni. Frá inntakinu liggja tvenn fallgöng að stöðvarhúsi Fljótsdalsstöðvar sem er neðanjarðar um einn kílómetra inni í fjallinu.

Viðamikil sjálfbærniúttekt á rekstri Fljótsdalsstöðvar var gerð í september 2024. Stöðin fékk bestu niðurstöður sem fengist hafa í úttekt samkvæmt staðlinum og gullvottun í kjölfarið. 

Staðallinn er svokallaður HSS-staðall, „Hydropower Sustainability Standard“, sem er á vegum Sjálfbærnisamtaka vatnsaflsgeirans („Hydropower Sustainability Alliance“). Að þróun staðalsins komu fulltrúar vatnsaflsfyrirtækja, stjórnvalda, samfélags- og umhverfissamtaka og fjármálastofnana.

Niðurstöður sjálfbærniútttektar 2024

Fljótsdalsstöð var gangsett 30. nóvember 2007 og er staðsett neðanjarðar, inni í Valþjófsstaðarfjalli.

Lágmarkshæð vatnsborðs og við tekur varaforði

Aðrennslisgöng frá Hálslóni (þvermál: 7,2-7,6 metrar)

Aðrennslisgöng frá Ufsarlóni (þvermál:6,5 metrar)

Þrenn aðgöng vegna aðrennslisganga (þvermál: 7,2-7,6 m)

Tvenn hjáveitugöng og aðkoma við Kárahnjúkastíflu

Bergþéttingargöng undir Kárahnjúkastíflu

Tvenn göng í Hraunaveitu (þvermál: 4,5 metrar)

Tvenn fallgöng að stöðvarhúsi (þvermál: 4,0 metrar)

Aðkomugöng að stöðvarhúsi (þvermál: 7,5 metrar)

Heildarfallhæð frá Hálslóni í stöðvarhús í Fljótsdal

Hönnunarrennsli (mesta mögulega rennsli)

Uppsett afl Kárahnjúkavirkjunar	690 MW
Orkuvinnslugeta	4600 GWh/ár
Hverflar	6 Francis, lóðréttur ás
Stærð	115 MW
Hönnunarrennsli	24 m³/s

Flatarmál lóns þegar það er fullt	63 km²
Lengd lóns þegar það er fullt	25 km
Miðlunarrými	2.210 Gl
Vatnsborðshæð þegar lón er fullt	625 m.y.s.
Lágmarkshæð vatnsborðs og við tekur varaforði	575 m.y.s.
Vatnasvið	1.806 km²
Áætlað meðalrennsli í Hálslón	107 m³/s

Mesta hæð stíflu	198 m
Lengd stíflu	700 m
Fyllingarefni í stíflu	8,4 milljón m³

Mesta stífluhæð	68 m
Lengd stíflu	1.100 m
Fyllingarefni í stíflu	2,9 milljón m³

Mesta stífluhæð	29 m
Lengd stíflu	1.100 m
Fyllingarefni í stíflu	1,6 milljón m³

Fyrirtækið

Framkvæmdir

Orka

Umhverfi

Samfélag

Viðskipti

Fjármál

Ítarupplýsingar

Aðrar aflstöðvar

Búrfellsstöð II

Þeistareykjastöð

Búðarhálsstöð

Hafið

Vatnsfellsstöð

Sultartangastöð

Blöndustöð

Hrauneyjafossstöð

Sigöldustöð

Flatarmál lóns þegar það er fullt	1 km²
Vatnsborðshæð þegar lónið er fullt	625 m.y.s.
Vatnasvið	430 km²
Áætlað meðalrennsli í Ufsarlón	31 m³/s

Mesta stífluhæð	37 m
Lengd stíflu	600 m
Fyllingarefni í stíflu	0,5 milljón m³

Flatarmál lóns þegar það er fullt	7,5 km²
Vatnsborðshæð þegar lónið er fullt	669 m.y.s.
Miðlunarrými	60 Gl

Mesta stífluhæð	26 m
Lengd stíflu	1.700 m
Fyllingarefni í stíflu	0,7 milljón m³
Jarðgöng	Alls um 72 km
Aðrennslisgöng frá Hálslóni (þvermál: 7,2-7,6 metrar)	39,7 km
Aðrennslisgöng frá Ufsarlóni (þvermál:6,5 metrar)	13,3 km
Þrenn aðgöng vegna aðrennslisganga (þvermál: 7,2-7,6 m)	6,9 km
Tvenn hjáveitugöng og aðkoma við Kárahnjúkastíflu	2,4 km
Bergþéttingargöng undir Kárahnjúkastíflu	500 m
Sveiflugöng (þvermál: 4,5 metrar)	1,7 km
Tvenn göng í Hraunaveitu (þvermál: 4,5 metrar)	3,7 km
Tvenn fallgöng að stöðvarhúsi (þvermál: 4,0 metrar)	800 m
Aðkomugöng að stöðvarhúsi (þvermál: 7,5 metrar)	1,0 km
Frárennslisgöng (þvermál 9,0 metrar)	1,3 km
Strengjagöng (þvermál 4,0 metrar)	1,0 km

Lengd	2,1 km
Grafið rúmmál	700.000 m³
Heildarfallhæð frá Hálslóni í stöðvarhús í Fljótsdal	599 m
Hönnunarrennsli (mesta mögulega rennsli)	144 m³/s
Meðalrennsli	110 m³/s