Beint í efniLandsvirkjun

Grunnur grænna samfélags

Góður árangur í fjármálum og loftslagsmálum

Afkoma Landsvirkjunar árið 2022 var betri en nokkru sinni fyrr. Hagnaður fyrir óinnleysta fjármagnsliði var 44,9 milljarðar og meðalverð til stórnotenda hefur aldrei verið hærra. Rekstur aflstöðva gekk vel á árinu, þrátt fyrir krefjandi aðstæður í vatnsbúskap fyrirtækisins.

Í loftslagsbókhaldinu, sem er hluti af ársskýrslunni, kemur fram að heildarlosun gróðurhúsalofttegunda á orkueiningu var 3,5 gCO2-ígildi á kílóvattstund á árinu og lækkaði um 2% milli ára. Því má segja að reksturinn hafi gengið vel á árinu, hvort sem litið er til fjárhagslegrar afkomu eða árangurs í loftslagsmálum.

Allt þetta og miklu meira kemur fram í ársskýrslunni okkar. Hún er gefin út í samræmi við sjálfbærnistaðalinn GRI, e. „Global Reporting Initiative (Core Option)“. Hún er því um leið sjálfbærniskýrsla, enda er sjálfbærni kjarni í rekstri fyrirtækisins.

Lesa ársskýrslu 2022

Lykiltölur

  • Raforkuvinnsla

    0TWst4%

  • Hagnaður fyrir óinnleysta fjármagnsliði

    $0m72%

  • Forðuð losun vegna raforkuvinnslu

    0m. tonn16%

    CO2 -íg

  • Kolefnisspor á orkueiningu

    0g2%

    CO2-íg/kWst

  • Rekstrartekjur

    $0m25%

  • Heildarlosun á orkueiningu

    0g2%

    CO2-íg/kWst

Ávörp forstjóra og stjórnarformanns

Jónas Þór Guðmundsson Stjórnarformaður

Uppskera eins og sáð var til

Í orkumálum dugir skammt að huga eingöngu að líðandi stundu. Hugsa þarf langt fram í tímann og gera ráðstafanir sem nauðsynlegar eru til framtíðar. Fullyrða má að hagsmunir sérhverrar þjóðar krefjist slíkrar forsjálni. Í rekstri Landsvirkjunar hefur frá upphafi verið leitast við að sýna fyrirhyggju og hámarka um leið verðmæti endurnýjanlegu orkunnar okkar eftir því sem unnt hefur verið.

Lesa ávarp stjórnarformanns
Hörður Arnarson forstjóri

Framtíðina vantar afl og orku

Árið 2022 var eftirminnilegt í starfsemi Landsvirkjunar. Mikið reyndi á starfsfólk fyrirtækisins vegna tíðra óveðra og dræms innrennslis til lóna og á það þakkir skildar fyrir ósérhlífni og fagleg vinnubrögð við erfiðar aðstæður. Um leið var rekstrarafkoman betri en nokkru sinni fyrr, m.a. vegna endursamninga við stærstu viðskiptavini á síðustu árum, sem einnig má þakka mikilvægu framlagi starfsfólks.

Lesa ávarp forstjóra

Lykiltölur

  • Heildareignir

    $0m13%

  • Kolefnisspor

    0þ. tonn2%

    CO2-íg

  • Nettó skuldir

    $0m44%

  • Eigið fé

    $0m3%

  • Efnahagslegt framlag

    $0m8%

  • Fjöldi starfsfólks

    07%

Helstu fréttir ársins

Ríkið kaupir hlut Landsvirkjunar í Landsneti

Samingar náðust um kaup ríkisins á 64,73% eignarhlut Landsvirkjunar í Landsneti hf.

Landsvirkjun og Landeldi gera raforkusamning

Landsvirkjun og Landeldi hf. sömdu um sölu og kaup á allt að 20 MW raforku til nýrrar laxeldisstöðvar.

Landsvirkjun fær hæstu einkunn í loftslagsmálum

Landsvirkjun fékk hæstu einkunn í loftslagsmálum hjá alþjóðlegu samtökunum CDP.

Vatnsaflsstöð í Georgíu vígð 

Vatnsaflsstöðin Akhalkalaki í Georgíu, sem Landsvirkjun á hlut í og tók þátt í að reisa, var vígð 5. nóvember.

Sótt um virkjunarleyfi vegna Búrfellslundar

Landsvirkjun sótti um virkjunarleyfi til Orkustofnunar vegna fyrirhugaðs Búrfellslundar. Uppsett afl lundarins er 120 MW.

Nýr upplýsingavefur um orkuskipti

Landsvirkjun, Samtök iðnaðarins, Samorka og Efla opnuðu nýjan upplýsingavef um orkuskipti.

Landsvirkjun fær viðurkenningu Jafnvægisvogar

Landsvirkjun fékk í fyrsta sinn viðurkenningu Jafnvægisvogarinnar, sem Félag kvenna í atvinnulífinu (FKA) veitir.

Landsvirkjun og Eimskip vinna saman að orkuskiptum

Landsvirkjun og Eimskip undirrituðu viljayfirlýsingu sem snýr að orkuskiptum í skipa- og landflutningaflota Eimskips.

Fyrsta farþegaflug rafmagnsflugvélar á Íslandi

Tímamót urðu í flugsögu Íslands við fyrsta farþegaflug rafmagnsvélar. Landsvirkjun er einn af bakhjörlum verkefnisins.

Koldís gegn losun koldíoxíðs

Landsvirkjun ætlar að fanga og dæla niður koldíoxíði frá Þeistareykjastöð og draga úr losun koldíoxíðs frá Kröflustöð með stýringu á vinnslu þar.

Aðalfundur staðfestir 15 milljarða arð

Á aðalfundi Landsvirkjunar var samþykkt arðgreiðsla til eig­enda að fjár­hæð 15 millj­arðar króna fyr­ir árið 2021.

Í fararbroddi í loftslagsmálum

Landsvirkjun var í 81. sæti á lista Financial Times yfir evrópsk fyrirtæki sem hafa lækkað losun á framleiðslueiningu hvað mest árin 2015-2020.

Breyta útblæstri í grænt metanól til orkuskipta á sjó

Landsvirkjun og PCC SE munu rannsaka möguleika á að fanga og nýta útblástur frá kísilmálmsverksmiðju PCC til framleiðslu á grænu metanóli.

Styrkir til rannsókna á náttúru, orku og umhverfi

Úthlutað var úr Orkurannsóknasjóði Landsvirkjunar í fimmtánda sinn. Alls voru veittar 59 milljónir í 35 fjölbreytta verkefnastyrki.

Samstarf um orkuskipti í flugi

Landsvirkjun og Icelandair tóku höndum saman við stöðumat og undirbúning verkefnis um orkuskipti í flugi.