![](https://images.prismic.io/landsvirkjun-vefur/725d8d38-ac33-4488-afc1-7e4f0825abd1_JV_vidurkenning_merki_2023_gull.png?auto=compress%2Cformat&rect=0%2C0%2C204%2C321&w=530&h=834)
Við tókum stolt á móti viðurkenningu Jafnvægisvogarinnar, hreyfiaflsverkefnis Félags kvenna í atvinnulífinu. Hún er veitt þeim fyrirtækjum sem hafa náð að jafna kynjahlutfall í framkvæmdastjórnum og í ár fengu fleiri en nokkru sinni áður viðurkenninguna, eða 89 fyrirtæki.
Við fögnum því og tökum undir það sem kemur fram í yfirskrift ráðstefnu FKA í tilefni verðlaunanna: Við töpum öll á einsleitninni – Jafnrétti er ákvörðun.
Harpa Víðisdóttir mannauðsstjóri veitti viðurkenningunni viðtöku fyrir hönd Landsvirkjunar, en Eliza Reid kynnti viðurkenningarhafana á ráðstefnunni.
Að hreyfiaflsverkefninu standa, auk FKA: forsætisráðuneytið, Creditinfo, Deloitte, Pipar\TBWA, Ríkisútvarpið, Samtök fyrirtækja í sjávarútvegi og Sjóvá.